بعد تعرضها للتنمر.. أسما شريف منير: مناخيري كبيرة وبحبها وربنا خلقني في أحسن تقويم

كشفت أسما شريف منير، عن تعرضها للتنمر بسبب أنفها، وأنها قررت في فترة من الفترات الخضوع لعملية تجميل بسبب ضغط بعض المتنمرين عليها إلا أنها تراجعت في النهاية.

وكتبت أسما ابنة الفنان شريف منير، عبر حسابها الرسمي على "إنستجرام" تروي تجربتها بهدف إعطاء القوة لبعض الأشخاص الذين يتعرضون للتنمر، قائلة: "أيوه، مناخيري كبيرة.. وبحبها!.. كل يوم المجتمع والتطور حوالينا بيخلينا نشك في نفسنا، ونفكر نعدل ونتغير علشان نرضي الناس، ونسمع منهم “كده أحلى".

وأضافت: "بس بيني وبينكم؟.. أنا كنت على وشك أعمل العملية.. بس كل مرة كنت بقول لنفسي: “اجمدي، انتي ربنا خلقك في أحسن تقويم".

وتابعت: "البوست ده مش مجرد بوست، ده صوتي.. وأنا بزقه يطلع أعلى من الشك.. ده تحدي بيني وبين كل ضغط خلاني أحس إني مش كفاية.. أنا حلوة كده.. ويمكن حد يشوف الكلام ده ويلهمه يحب نفسه زي ما هو، زي ما ربنا خلقه، من غير تعديل ولا تبرير".