«بيحسوا زينا».. عمرو وهبة يعلق على تعرض الحيوانات للعنف

علق الفنان عمرو وهبة على معاملة انتهاكات الإنسان ضد الحيوانات. 

عمرو وهبة يعلق على الانتهاكات ضد الحيوانات

وكتب عبر حسابه الشخصي بموقع التواصل الإجتماعي "فيسبوك": هى بديهيات بس نقولها، إحنا اتربينا على مثل وكلمة بنرددها كلنا فى الجد والهزار بتقول "كلب وراح" على أساس أن الكلب ده أو الحيوان عامة تمام يروح عادى مش مهم.. أى حد ربى حيوان هيفهم ده اكتر بس عامة الكلاب والقطط والحمير والأحصنة كائنات حية".

وتابع: "والكائنات الحية بتحس، وبتحس دى يعنى بتفرح وبتخاف وبتتوجع وبتتخض وبتزعل وبتزهق وبتتعصب وبتتوتر".

وأكد: "وده مش كلام عاطفي، ده كلام علمى، الجهاز العصبي بتاعهم بيشتغل زينا في حاجات كتير، وعندهم مشاعر وإن كانت بشكل مختلف شوية عننا كا بشر، وهما مش كائنات دايماً اقوى مننا فى التحمل هما زينا بيتعبو عادى وبيتوترو ساعات من الزحمه والدوشه وبيتعصبو ساعات من هزار الاطفال وغلاستهم العاديه وبيزعلو من سوء التعامل والإهانة".

 وأضاف: "بالعكس هما كمان اضعف عشان هما زى الاطفال كده مش بيعرفو يتكلموا ولا يعبروا فا مينفعش نستقوى عليهم ولا نطلع عقدنا عليهم حتى تحت مسمى لازم يتربى لازم يخاف منى لازم اكسره او هو متعود على كده".