إعلامية شهيرة تكشف سرا عن الراحلة إيناس النجار: كانت هتتجوز بعد رمضان وبيتها كان جاهز
كتب: نسرين إبراهيم
حرصت المذيعة الشهيرة مروة صبري، عن توضيح بعض الأمور عن الفنانة الراحلة إيناس النجار، وحتى لا يتم تداول معلومات غير صحيحة، وذلك بناء على رغبة شقيقتها سوار، مؤكدة أنها كانت تستعد للزواج.
وقالت مرة صبري في برنامجها "قعدة ستات" إن بعض الأشخاص أرادوا استغلال اسم إيناس النجار لتصدر التريند، وحكوا أنها كانت على علاقة بشخص منذ 7 سنوات، وهذه العلاقة هي التي تسببت في مرضها وموتها.
وقالت مروة صبري: "إيناس النجار مكنتش في علاقة توكسيك، الكلام دا عن لسان سوار أختها، إيناس كانت بتحب راجل محترم وكانت هتتجوز بعد رمضان وبيتها كان جاهز".
وتابعت مروة صبري: " ياللي بتقولوا أنها كانت في علاقة توكسيك بقالها 7 سنين وهو اللي حطمها ودمرها وسممها وهو السبب في موتها الكلام دا ملوش أي أساس من الصحة، إيناس النجار كانت بتحب راجل محترم وأنا حفاظا على أن أختها مش حابه تقول هو مين ومش حابه تقول اسمه، والراجل دا كان واقف معاها حتى في فترة ما كانت في الغيبوبة وقال أنا عايز اكتب كتابي عليها واتقال مينفعش من كتر ما هو بيحبها وحاسس أن حالتها خطر ومش عايز يتخلى عنها".
View this post on Instagram
وفاة إيناس النجار
ورحلت إيناس النجار عن عالمنا في 31 مارس 2025، أول أيام عيد الفطر، وكانت قد دخلت في غيبوبة تامة ووضعت على أجهزة التنفس نتيجة لإصابتها بتسمم في الدم لانفجار المرارة.
