البلوجر إسلام فوزي يؤكد براءته من التنمر على الراحل شريف حافظ
كتب: حسناء حسن
واجه صانع المحتوى إسلام فوزي، هجومًا واسعًا خلال الساعات الأخيرة، بعد زعم بعض متابعيه بأنه السبب وراء وفاة البلوجر شريف نصار وتنمره عليه من خلال فيديوهاته، حتى ظهر إسلام فوزي في فيديو جديد نفى كل ما تردد حول تنمره على شريف نصار، مطالبًا متابعيه بضرورة التأكد من أي اتهامات وجهت له بشأن وفاة البلوجر.
أول تعليق من صانع المحتوى إسلام فوزي
وشارك إسلام فوزي فيديو عبر حسابه الرسمي بمنصة تيك توك قال فيه: أنا متنمرتش على شريف نصار ولا عملت له فيديوهات واللي عنده أي حاجة يطلعهالي دلوقتي بسرعة أنا مش عارف ليه من ساعة خبر وفاته إمبارح والناس مصممة تلبّسني القصة دي وتشيّلني ذنبه، أنا معملتش فيديوهات لشريف نصار، واستغربت أكتر الناس اللي شمتانين فيا وبيقولولي حسبي الله ونعم الوكيل فيك ما أنت مدخلتش المستشفى من شوية وربنا بيخلص.
وأردف: أنا معملتش أي حاجة عن الولد ده ولا جيت جنبه تماما ولا الأكونت بتاعي عليه أي حاجة له مع إني شوفت فيديوهاته كلها بس ملفتش نظري خالص أعمل حاجة عنه، وللمرة المليون فيديوهاتي كلها هزار ملهاش علاقة بانتقاد حد بعينه فيه ناس مرضى نفسيين للأسف وأنا تعبت من القصة دي ارحموني وأنا مليش دعوة محدش يشيلني شيلة مش بتاعتي خالص.
