مسلم يفتح النار على عصام صاصا: أنت مصر كلها ماسكة عليك حاجات وبلاش تكلم معايا كلام شوارع

خرج مغني المهرجانات مسلم عن صمته بعد هجوم زوجة عصام صاصا عليه، عقب تصريحه في بودكاست "اللعب مع الكبار"، والذي ظهر فيه رفقة عروسه يارا تامر، بأنه لا يطيق سماع أغاني صاصا وأنه الشخص الوحيد الذي لا يمكن أن يسمعه.

وقال مسلم في لايف جديد له، منذ قليل، عبر صفحته الرسمية على "إنستجرام"، ردا على هجوم جهاد زوجة عصام صاصا عليه وعلى عروسه يارا تامر: "اه قلت ما بسمعش عصام صاصا لأنه هو غلط فيا وبدأ النكش معايا وأنا ساكت وعمل كليب مطلع فيه شخص لابس ماسك في إشارة ليا في كليب وسخر مني فيه، فمن حقي ما بقاش حابب أتعامل معاه تاني ولا اسمعه، صاصا عمال يغلط فيا وأنا ساكت، والناس اللى دخلت تهاجمني انا مغلطش وما بدأتش الغلط من الأول".

ووجه مسلم حديثه لجهاد زوجة عصام صاصا، قائلا: "بتقولي على مراتي بلاش انتي يا كتكوته، الكتكوته دي في حته تانية، وعمرها ما هترد عليكي علشان انتي حاجة وهي حاجة، وكمان بتحترم الراجل اللى معاه".

وأضاف: "في عز ضيقة صاصا وحبسه عمري ما طلعت اتكلمت ولا استغليت ده، وبسمع تهديدات إن ممسوك عليا حاجة، أنا محدش ماسك عليا حاجة لا هو ماسك عليا حاجة يطلعها وبلاش انت لأن أنت مصر كلها ماسكة عليك.. بس وريني ايه اللى ماسكه عليا".

وتابع: انت ارتقي لما تيجي تكلم فنان وما تكلمش معايا كلام شوارع، وبعدين المجال كبير وفي ناس كتير ليه ماسكني أنا".