أحمد عبد الوهاب: أنا متنمر وأكتر حد بتنمر عليه في الدنيا مراتي

أكد الفنان أحمد عبد الوهاب،أن مفهوم "التنمر" يعد مصطلحًا غريبًا على ثقافتنا، موضحًا أنه في كثير من الأحيان يُنظر إليه على أنه مجرد "مزاح".

قال أحمد عبد الوهاب: "أنا متنمر، وأكتر حد بتنمر عليه في الدنيا مراتي، هي لدغة في الراء، وصوتها عالي، والاتنين مع بعض بيعملوا ميكس رهيب"، حسب تصريحاته في بودكاست "فايق ورايق" الذي يقدمه الإعلامي إبراهيم فايق.

وروى أحمد عبد الوهاب موقفا له مع زوجته قائلا: "مرة كانت في فرنسا وكلمتني في التليفوين قالت لي (يانهاي أسود يا عبد الوهاب، أنا انهايدة نزلت يكبت عجلة فاكية نفسي بقى هعيف ايكب عجل وبتاع، تعبت تعب، وبعد ما خلصت فجأة عاء عاء)، قولت لها: (بوليس؟) قالت لي (يا ظييف)، قولت لها بجد إيه والله مش فاهم، قالت لي (عااء عاااء)، قولت لها (غراب؟ أنا مش فاهم حاجة!)، طلع قصدها (عرق عرق)".

وأضاف أحمد عبد الوهاب: مرة كنا بنغني أغنية لأحمد سعد، "مستني لما يمر موكب سلاطينك)، وهي سمعتني بغنيها (مركب سلاطينك) قالت لي (لأ لأ اسمها موكب سلاطينك مش موكب سلاطينك)، قولت لها داليا إنتي لو سامعة نفسك إنتي بتقولي الاتنين زي بعض.

مسلسلات أحمد عبد الوهاب في رمضان 2025

يذكر أن أحمد عبد الوهاب شارك في رمضان 2025 في 3 مسلسلات، هم "الكابتن" مع أكرم حسني وآية سماحة، و"كامل العدد ++" مع دينا الشربيني وشريف سلامة، و"أشغال شقة جدا" مع هشام ماجد وأسماء جلال ومصطفى غريب.