«مش دايمًا الحياة لونها بمبي».. جوري بكر تعلن تعرض ابنها لوعكة صحية

أعلنت الفنانة جوري بكر تعرض نجلها لوعكة صحية صعبة، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

نجل جوري بكر يتعرض لوعكة صحية

وكتبت جوري بكر في منشورها: "مش دايمًا الحياة لونها بمبي.. أسبوع صعب من حزن واكتئاب، وتعب ابني، سخونية وبرد والتهاب في معدته.. صراعات كتير بس الواحد بيحاول يكون قوي ويعافر ويكمل؛ عشان في ناس متعلقة في رقبته.. هونوها على بعض؛ عشان كل واحد فينا شايل شيلة ثقيلة قوي، ومش كلها وردي صدقوني، بس دايماً بنقول الحمد لله، اللهم لك ألف حمد".

جوري بكر تعلن اعتزال السوشيال ميديا 

وسبق وأن خرجت الفنانة جوري بكر لتعلن عن اعتزالها السوشيال ميديا لمدة أسبوع، وذلك بعد الأحداث المروعة التي تحدث عليها في الفترة الأخيرة والتي لم تعد تتحملها فضلا عن النفاق الذي تراه من جميع من حولها.

وكتبت جوري بكر عبر حسابها الرسمي بموقع تبادل الصور والفيديوهات انستجرام من خلال خاصية ستوري: "أصعب فترة في حياتي حرفيا، ضغط نفسي رهيب من اللي بشوفه وبستحمله، ربنا يحافظ علينا وعلى أولادنا أنا هاخد وقت لنفسي ومش هتواجد على السوشيال ميديا لمدة أسبوع راحة وهمسح جميع وسائل التواصل للضرورة، الواتس آب شغال شكرا ليكم، وبكدة هبتدي استراحة المحارب، أنا مبقتش قادرة أشوف ولا أسمع الأحداث اللي بتحصل حواليا، ولا بقيت قادرة أستحمل نفاق الناس اللي في حياتي، اللي اديتهم أكتر من حقهم من حب ودعم وصداقة".