«هل هناك قصة حب بينهما؟».. تارا عماد تكشف عن تفاصيل علاقتها بـ أحمد مالك

استضاف الإعلامي أنس بو خش في برنامجه "ABtalks"، كل من الفنان أحمد مالك والفنانة تارا عماد، حيث كشفا عن حقيقة وجود علاقة عاطفية بينهما أم لا.

حيث قالت تارا عماد: “أنا بحب أحمد من قلبي بجد، هو واحد من أكتر الناس اللي ساعدوني وألهموني في حياتي، ومكانوش بس موجودين علشان يقفوا جنبي وقت ما كنت محتاجة للدعم، لأ، ده خلاني أشوف الدنيا بمنظور مختلف، أنا بعتبره أخويا، وهو عارف كده كويس هو أكتر شخص شجعني إني أبقى على طبيعتي، وأثق في نفسي وأنا فخورة جدًا بعلاقتنا، وبحب الطريقة اللي أحمد بيهتم بيها بشغله، إزاي ممكن يقعد يفكر في جملة واحدة علشان يقولها بشكل أحسن هو دايما عايز يتطور، وده بيلهمني جدا”.

وقال أحمد مالك: ""أنا وتارا بقالنا سنين صحاب، وعلاقتنا دايمًا كانت أفلاطونية تمامًا، يعني من غير أي حاجة رومانسية، أنا وهي بدأنا مع بعض في التمثيل.. وبقينا في نفس الشركة كمان.. يعني ساعات الحياة بتحط حد في طريقك يكون سند".

وأضاف أحمد مالك: “تارا عندها سحر كده، بيخلي أي حد يشوفها ينبهر بيها من أول مرة اشتغلت معاها، حسيت إنها عندها روح جميلة ونور جواها هي بتهتم بالناس، بالحيوانات، بالمجتمع وفي حاجات كتير بنختلف فيها، بس برضه بنتقابل في حتة عميقة جدا”.

وتابع أحمد مالك: "أنا وتارا بدأنا التمثيل وإحنا صغيرين، وشوفنا حاجات كتير سوا، وده خلى في بينا رابط خاص، بنفهم بعض من غير كلام، الناس دايما بتتكلم عن الحب اللي بين ولد وبنت، بس قليل قوي اللي بيقدروا يشوفوا جمال الحب اللي في الصداقة الحب ده كبير، ومش لازم يبقى فيه رومانسية علشان يكون حقيقي أنا بحب تارا، وباحترمها جدًا وهي حد مهم جدًا في حياتي".

عمل واحد فقط.. جمع تارا عماد وأحمد مالك

تعاون الثنائي تارا عماد وأحمد مالك في  مسلسل "تحقيق" حيث ضم  كل من، أحمد مالك، على قاسم، خالد أنور، تارا عماد، هدى المفتى، مى الغيطى، زينب غريب، طارق عبد العزيز، فاطمة ناصر، أحمد كشك، اسلام نجيب، رامى الطمبارى، أميرة أديب، بسمة نبيل، وظهور خاص الفنان تميم عبده، والفنان محمد الصاوى، وضيوف الشرف صفاء الطوخى، يوسف إسماعيل، وكمال أبو رية.