كندة علوش تروي تجربتها مع السرطان: ربنا نزل عليا سكينة والزعل الأكبر لما أمي تعبت بنفس المرض

فتحت الفنانة كندة علوش قلبها لتروي تفاصيل رحلتها مع مرض السرطان، مؤكدة أنها واجهت التجربة بقدر كبير من الصبر والسكينة والإيمان، رغم كل صعوباتها.

وقالت كندة علوش، خلال لقائها مع الإعلامية لميس الحديدي في برنامج كلمة أخيرة على قناة ON،ج عن تلك الرحلة القاسية: "ربنا نزل عليّ سكينة ما كنتش أتخيلها، لما وصلت نتيجة الفحص على البيت وعرفت، حسيت بسلام غريب حتى لما الطبيبة قالت لي إنها شاكّة في شيء مش كويس، مكنتش خفت... قلت عادي. أنا أصلاً مش من الناس اللي بتخاف على صحتها أوي".

وأضافت: "وقت ما تأكدت الإصابة، حسيت بتقبل تام ورضا، قلت لنفسي ربنا كتب لي كده، وخلاص".

وأكدت كندة أن لحظة الالم، كما وصفتها، لم تكن مرتبطة بنفسها فقط، بل عندما علمت بإصابة والدتها بالمرض في الوقت ذاته، قائلة:"أصعب لحظة كانت لما عرفت إن أمي كمان مصابة، مريت بأنتكاسة مرضية اثناء العلاج لكن رغم كده كنت بحاول أعدّي التجربة بسلاسة وربنا اداني سلام نفسي حقيقي، مكنش فيه نقطة سودا أو صدمة نفسية عنيفة أو شيء عملي " تروما".

وعن تأثير العلاج الكيماوي، أوضحت كندة: "شعري وقع جزء كبير منه، لكنه ما وقعش كله، كان خفيف اشتريت باروكة بس ما لبستهاش".

وتحدثت كندة بامتنان عن دعم لميس الحديدي لها خلال فترة مرضها، قائلة:"نصايحك فضلت معايا طول الوقت، كنتِ خايفة عليّ جداً، لكن نصايحك كانت عملية ومباشرة، وده اللي أنا بحبه. قلتِ لي اعملي كذا وكذا، وبحب الطريقة دي، لأنّي مش بحب الصعبانيات، أنا لو حد احتاجني أديه عيني، لكن لما أكون في موقف صعب، لام أقوم نفسي بنفسي. وإنتِ كنتي سبب في ده".

وختمت كندة حديثها برسالة مؤثرة، قائلة:"من وقتها، بقيت أعمل زيك، لما حد بيمر بنفس التجربة بكلمه وبقوله كل اللي اتقال لي، وبحاول أكون مصدر قوة ودعم ليه".