مسلم لمنتقدي بدلة فرحه: أنا مش محتاج أعمل ترند.. ومش عجبك ما تبعنيش لكن بلاش تشتم أهلي
كتب: نسرين إبراهيم
علق مغني المهرجانات مسلم، لأول مرة على الجدل الذي أثير حول إطلالته في حفل زفافه، واستعانته ببدلة غير مألوفة وبتصميم مختلف عن البدل العادية، مما عرضه لانتقادات واسعة على السوشيال ميديا.
وقال مغني المهرجانات مسلم، في لايف ظهر فيه من شهر العسل مع زوجته يارا تامر، داخل سيارة: "أول حاجة الحمد لله الفرح عدى على خير واليوم كان كويس وانبسطنا باللي حصل".
وتابع: "بالنسبة لموضوع البدلة، كده كده مش محتاج أعمل ترند، أو أطلع على حس حاجة ومن أيام زمان بطلع ترند بشكلي وبلبسي وبكل حاجة، وعارف إن ثقافة اللبس اللي بلبسه مش نفس ثقافة اللبس الشارع بتاعنا أو مصر، بس أنا والله من الناس اللي بتحب الفاشون ودايما متأثر أوي بالحاجات دي وبحب اللبس وغصب عني متابع الناس اللي برا، ودايما بحب حاجتي تيجي من برا
وأضاف: "البدلة اللي ماكنتش عجباكم دي كنت جايب القماش لوحده من فرنسا والتي شيرت اللي كان من تحت كان من برادا، وهو ينفع يتلبس على الوشين، ولقيتكم مصدومين أوي إن أنا أول مرة ألبس كده، مع إني طلعت في حفلة الساحل كنت لابس لبس معين أنا بعمله، وفنانين كتير غيري مش أنا بس، بس لازم مسلم هو اللي يتحط عليه، ولازم يتقاله كلام زي السم وتعليقات وحشة وسلبية".
واستكمل: "أنا مش محتاج كلام حد، لو انت يا عم مش حاببني ممكن تلغي متابعتي وما تشوفنيش تاني، لو أنت عندك رأي ممكن تقول مش عاجبني، خلاص أنا هحترم ده، لكن مالهاش لازمة تشتمني وتشتم أهلي، وعيل مش عارف إيه، علشان أنا ما ستهلش كده لأن أنا لا شتمت حد وهزأت حد، أنا أقسم بالله اللي جالي الفرح الصغير قبل الكبير وناس مكنتش أعرفهم كنت بعاملهم كويس اكتر من اللي كنت أعرفهم".
وواصل حديثه، قائلا: "فالبدلة دي أنا بحب دايما أطلع شكلي مميز، وأنا ناجح في الحته دي وناجح إن أخليك تتكلم على أي حاجة بلسبها.. وبالفعل خليتك تتكلم عن البدلة اللي معجبتكش، مع إني البدلة من وجهة نظري ونظر ناس كتير بتفهم في اللبس شايفة إنها جامدة".
وأضاف: "بس أنا علشان عارف، إن الناس شايفني في بيوتهم وبنسمعه وبنحبه ما ينفعش نشوفه لابس توب، أنا برضه بعذر الناس، بس دي ثقافة أمريكية من برا مصر، وأنا بلبس كده من بدري وكلكم شوفتوا طريقة لبسي عاملة إزاى.. حاجة عادية مش لابس بدلة من بحيرة الأمزون، وغيري لبسها مش أنا أول واحد، وأنا عملتها وأنا راضي عن نفسي وكفاية أهلي ومراتي وكل اللي حواليا كانت عجباهم، والفنانين اللي حضروا الفرح كانوا معجبين بلبسي أنا ويارا".
واختتم: "ياريت مش لاقي حاجة تقولها فتدخل تشتم وخلاص، أنا مش هسمح لحد ومعنديش أسهل من البلوك بس انت هتبقى استفدت إيه ومش هتعرف تكلم تاني، قول رأيك سواء حلو أو وحش باحترام وهحترمه وكل واحد عنده وجهة نظر في اللي بيعمله، ومش بقول لحد تعالى إلبس مكاني أو تعالي ادفعلي تمنها أنا كل حاجة عاملها وأنا راضي عن نفسي".
View this post on Instagram
