تامر حسني يوجه رسالة لمتابعيه: «روحك غذاؤها اللجوء لربنا»
كتب: أمنية مدحت
وجه الفنان تامر حسني، رسالة لمتابعيه بخطورة إدمان وسائل التواصل الاجتماعي.
تامر حسني يوجه رسالة لمتابعيه
وكتب تامر حسني على صفحته الشخصية بموقع إنستجرام: "معلش كلمتين في قلبي مهمين هما اللي خلوني أتكلم كده في الڤيديو ده الإنترنت والسوشيال ميديا خدوا كل أوقات حياتنا وخلونا محنيين وباصين تحت في تليفوناتنا وما أشبه ومبقاش في وقت إننا نبص فوق لربنا ونقوي روحنا بالفضفضة معاه لا الفضفضة بقت وانت باصص تحت في التليفون والآي باد واللاب توب والكمبيوتر شوف شغلك عادي وهزر والعب بس متنساش".
وأضاف: "الأهم إنك مخلوق من طين وروح، وزي ما الجسم غذاؤه الميه والأكل، روحك غذاؤها اللجوء لربنا والنظر له والكلام معاه في صلاتك أو في ذكرك ودعائك وكمان محتاجين وقت للتفكير في المستقبل وإزاي نكبر صح ونتدرج في نجاحنا بشكل منطقي سليم بجد بقينا مدمنين سوشيال ميديا وتليفونات وشكلنا بقى غريب والخطر ده طالنا وطال ولادنا لازم فعلاً وقفة مع النفس وإعادة تفكير من جديد في علاقتنا بالإنترنت".
