إمام عاشور: كنا عايزين نلعب ماتش الزمالك.. واللعيبة ساعدتني أبقى الهداف
كتب: محمود جودة
تحدث إمام عاشور لاعب الفريق الأول لكرة القدم بالنادي الأهلي عن كواليس الموسم الماضي من الدوري الممتاز، والذي فاز به الأهلي للمرة 45 في تاريخه.
وقال إمام عاشور نجم الأهلي عبر برنامج "الكورة مع فايق": "احنا كلنا لعيبة وجهاز فني كنا عايزين نلعب ماتش الزمالك.. عملنا كل حاجة عشان نلعب بس ده قرار مجلس إدارة واحترمناه.. وموصليش إحساس إن الدوري بيبعد رغم أننا ملعبناش الماتش".
وأضاف: "لعيبة الأهلي كلها كانت خايفة وعايزاني أسجل جول عشان أبقى هداف الدوري وأنا كنت مذهول بسبب موقفهم أنا مشوفتش كده قبل كده.. وسام أبو علي قالي تعال أنت مكاني في مركز المهاجم عشان أسجل".
