«بعد أزمتها مع محمد الباز».. نوارة نجم ابنة الشاعر أحمد فؤاد نجم تهاجم الإعلامي أحمد موسى
كتب: حسناء حسن
كتبت نوارة نجم ابنة الشاعر أحمد فؤاد نجم على صفحتها الشخصية على موقع التواصل الاجتماعي فيسبوك، منشورًا تهاجم فيه الإعلامي أحمد موسى.
وكتبت شوشت مجدي:"الاستاذ احمد موسى جاب الصحفي المدان بحكم محكمة مصرية يخليه يكمل شتيمة ويقول انا اللي هحاكم أحمد فؤاد نجم، ومش عارفة ايه اللي جاب سيرة ناس مالهمش علاقة من قريب أو بعيد بالموضوع"
وأضافت: "انا فيه واحد قال كلام منحط على ابويا الميت كله افتراء وبهتان ولجأت للقضاء المصري والقضاء نصفني".
وتابعت:"وبالمناسبة المحكوم قعد سنتين يتلاعب ويتهرب عشان البلاغ ما يوصلش للنيابة والقضاء لانه عارف انه اول ما يمثل امام القضاء سوف يدان"
وختمت منشورها: "وختم الاستاذ احمد موسى المداخلة أنه يدعم الدولة المصرية المتمثلة في المحكوم عليه من قضاء الدولة المصرية ضد أعداء الدولة المصرية، طب يا استاذ احمد أبويا اللي بتقول عليه عدو الدولة المصرية ده، الدولة دي منحته وسام العلوم والفنون من الدرجة الأولى، واطلقت اسمه على أحد شوارع القاهرة، والرئاسة المصرية نعته، والقوات المسلحة نعته".
وأضافت:"واغانيه يتم اذاعتها في الاذاعة الداخلية لثكنات الجيش المصري وخاصة في سيناء ومفيش عسكري او مجند فيك يا مصر مش حافظ اغنية "واه يا عبد الودود"
وسخرت قائلة:"وحضرتك والمحكوم طالعين تشككوا في القضاء المصري وبتدعوا انكم بتدافعوا عن الدولة ضد رشا قنديل، ايه؟ مالها رشا قنديل؟ حصل ايه؟ ايه اللي جاب سيرتها دلوقت؟".
