أحمد السقا: 4 أشخاص يدخلون حساباتي لكتابة منشورات ثم حذفها

كشفت الإعلامية بسمة وهبة، عن تفاصيل اتصال الفنان أحمد السقا بها من الحج، مشيرة إلى أنه أوضح خلال الهاتف حقيقة منشورات مثيرة للجدل منسوبة له انتشرت -مؤخرا- عبر مواقع التواصل الاجتماعي.

أحمد السقا:  4 أشخاص يدخلون حساباتي يكتبون منشورات ثم يحذفونها

وقالت بسمة وهبة خلال تقديمها برنامج "90 دقيقة" عبر قناة المحور: "أحمد كلمني إمبارح من الحج، وسألته عن البوست ده اللي منتشر على مواقع التواصل، هل إنت اللي كتبته".

وأضافت بسمة وهبة: "قاللي أنا كنت بعمل طواف القدوم ورجعت الساعة 11 الصبح، وصحيت لقيت التلفون هينفجر من كمية الرسائل والاتصالات، وأولا الكلام اللي في البوست مش لغتي ولا طريقة كلامي، وبعدها فتحت الصفحة وملقتش البوست، وكلمت أختي تدخل تشوف الموضوع".

وتابعت بسمة وهبة: "أحمد السقا قاللي إنهم اكتشوفوا إن في 4 أشخاص بيعملوا لوج إن كإنهم أدمن على الصفحة وهما مش تبعنا، بيدخلوا يكتبوا البوست ويسيبوه شوية وفي الآخر يتمسح ويخرجوا من الصفحة".

واختتمت بسمة وهبة قائلة: "أحمد السقا قاللي معنديش ضغينة لأي حد، ولو أم ياسين احتاجتني دلوقتي هكون أول واحد جنبها ومش هتردد، لأنها إنسانة طيبة جدا، ومقدرش أتحمل لو حد في يوم من الأيام زعلها لأي سبب".