"كان ناقص الفيشاوي وأعرف إني لبست في حيطه".. مها الصغير تكشف عن تفاصيل تعرضها للتنمر في الجونة
كتب: نسرين إبراهيم
علقت المذيعة مها الصغير، على التنمر الذي تعرضت له بسبب إطلالة سابقة لها ظهرت فيها في مهرجان الجونة، ظهرت بها برفقة طليقها النجم أحمد السقا قبل انفصالهما، حيث اختارت فستانا واسعا مع جاكيت واسعا.
وقالت مها الصغير، خلال استضافتها في حلقة عيد الأضحى، ببرنامج "معكم منى الشاذلي"، أنها لم تتوقع ماحدث، قائلة: "كنت لازم أخد بالي من حاجة، وأنا داخلة كان قدامي أحمد مالك وبعدين سألته على الإطلالة قالي تمام حلوة جدا، وبعدين قابلت أحمد فهمي قالي لبسك جميل وتحفة، وبعدين دخلت المهرجان وقعدت وتمام وشايفة إني محصلتش، خرجت ببص في الموبايل تقريبا كان هيفرع من الرسايل، وجالي اكتئاب وعياط هستيري".
وأضافت: "أنا لبست جاكيت على الفتسان علشان مش عايزة أبقى ملفته، طلعت أكتر واحدة ملفته في المهرجان".
وتابعت: "بعد هذا الموقف قابلت أحمد مالك، وكنت زعلانة أوي، وقالي خلاص بقى ما تزعليش قولتله أنا كان لازم أخد بالي جدا لأن مالك بيلبس طول الوقت أوفر سايز، وفهمي بيلبس ألوان عجيبة وهما الاتنين اللي أشادوا بيا، قولتله أنا كان ناقصني بس أحمد الفيشاوي علشان أعرف إن لبست في الحيط".
View this post on Instagram
