إمام عاشور يكشف تفاصيل جديدة عن إصابته أمام إنتر ميامي

كشف اللاعب إمام عاشور، نجم وسط النادي الأهلي، تفاصيل جديدة عن لحظة إصابته خلال مباراة فريقه أمام إنتر ميامي الأمريكي، في افتتاح منافسات بطولة كأس العالم للأندية 2025، والتي انتهت بالتعادل السلبي.

وكان عاشور قد تعرّض لكسر في عظمة الترقوة خلال اللقاء، ليخضع لجراحة عاجلة بعد أن غادر أرض الملعب متأثراً بإصابته، وسط حالة من الحزن داخل الجهاز الفني واللاعبين.

وفي تصريحات إذاعية، كشف الإعلامي أحمد شوبير عن تفاصيل لقاء جمعه باللاعب بعد خضوعه للجراحة، قائلاً: «التقيت إمام بالأمس، وشرحلي تفاصيل لحظة الإصابة، قاللي إنه مكنش حاسس بحاجة في الأول، لكن لما وقع عليه اللاعب المنافس، حسّ بطرقعة قوية في كتفه».

وأضاف شوبير: «قاللي إمام إن العملية اتعملت بطريقة حديثة، وإنه بياخد مسكنات قوية، وزوجته سابت الفندق اللي كانت فيه وانتقلت معاه علشان تبقى جنبه».

وتابع: «كان متأثر جدا، قالي أنا مجيتش البطولة علشان أشارك وخلاص، أنا جاى بطموحات كبيرة جدا، وكنت عايز أقدم حاجة حقيقية للأهلي، لكن الإصابة كانت قاسية جدا».

وروى اللاعب تفاصيل أكثر دقة، بحسب ما نقله شوبير: «قاللي لما جالي الانفراد وكنت بجري، محستش بدراعي خالص، حسيت بوجع رهيب جدا، وكنت عايز أعمل حركة R2 اللي بتاعة المراوغة، بس جسمي خذلني».

واضاف : «كنت نفسي أكمل البطولة والمباراة، وزعلان عشان التعادل لأننا كنا قريبين جدا من الفوز، لكن في النهاية راضي بقضاء ربنا، وهبدأ العلاج الطبيعي بعد 10 أيام، والدكاترة قالولي هرجع الملعب في أقل من شهرين».

واختتم عاشور حديثه بتأكيد حماسه لمساندة زملائه: «هروح أشجع من المدرجات في المباراة الجاية، بس أعصابي مش مستحملة، مش قادر أتفرج عليهم من بعيد».