سلمى أبو ضيف: «اتعرفت على زوجي بالصدفة.. وكنت عاوزة أبقى أم وأكون أسرة»

كشفت الفنانة سلمى أبو ضيف، عن كواليس زواجها وكيف تعرفت على زوجها إدريس، كما تتحدثت -أيضا- عن ابنتها صوفيا.

سلمى أبو ضيف: اتعرفت على إدريس بالصدفة 

وقالت سلمى أبو ضيف، خلال حلولها ضيفة على برنامج صاحبة السعادة والذي تقدمه الإعلامية إسعاد يونس على شاشة قنوات "دي إم سي": "أنا اتعرفت على إدريس بالصدفة برة مصر وكان بينا أصدقاء مشتركين وكنا المفروض خارجين أنا وصحابي وهو وفجأة هما لغوا الخروجة وكنت أنا وادريس لوحدنا وهو وقتها اعترفلي برغبته في الجواز وقالي تحبي الفرح فين وكده وبعدها دخلت الحمام اللحظة اللي طلعت فيها من الحمام حسيت إني بحبه".

وتابعت سلمى أبو ضيف: "بعد ما رجعت مصر بأسبوع هو جه وكلم أهلي وطلب منهم يتجوزني وهو باباه سوداني ومامته سويسرية وعايش في سويسرا".

سلمى أبو ضيف: كنت عايزة أكون أسرة وأبقى أم 

وعن حملها بشكل سريع، في ظل انتعاشها الفني، قالت سلمى أبو ضيف: "أنا كنت مقررة أنا وإدريس إننا هدفنا من الجواز أننا نكون عيلة وهي نسخة من باباها".

وعن انتقادات صور حملها قالت سلمى أبو ضيف: "قابلت تعليقات غريبة مش انتقادات بس شتيمة وقلة الأدب دي ودي حاجات ضد المجتمع لكن اللي ضايقني أكتر حاجة هو أنهم بيشتموا طفلة مش موجودة أصلا ورفعت دعوى قضية على كل الناس دي".