فاروق فلوكس: صحتي مش زي الأول.. والمنتجين ناسيين الكبار

في مداخلة هاتفية مؤثرة مع الإعلامية نهال طايل ببرنامج "تفاصيل" على قناة صدى البلد 2، تحدّث الفنان القدير فاروق فلوكس عن حالته الصحية وسبب ابتعاده عن الساحة الفنية خلال الفترة الأخيرة.

وقال فلوكس:"الحمد لله على كل حال، صحيح مؤخرًا الصحة مش مظبوطة قوي، لكن ما زلت شاكر وربنا كريم."

أما عن غيابه عن الشاشة، فأوضح بأسف:"الناس بتسألني ليه مش بشتغل؟ الحقيقة محدش عرض عليّ حاجة، وأنا مش اللي بيدّي الأدوار ولا بقدر ألف على المنتجين وأقولهم شغلوني."

وأضاف الفنان الكبير، الذي قدم عشرات الأدوار المميزة في السينما والمسرح والتلفزيون:"يمكن علشان الكبار مبقوش مطلوبين زي زمان.. الجيل الجديد واخد مكانه، وده طبيعي، بس برضه فيه أدوار محتاجة خبرة الكبار، ومينفعش ننساهم."

حديث فلوكس يعكس واقعًا مؤلمًا يعيشه عدد من رموز الفن ممن صنعوا تاريخ الشاشة، واليوم يجدون أنفسهم بعيدين عن الأضواء دون تفسير واضح.