بعد رحيل أحمد عامر.. المطرب المعتزل فارس حميدة للعاملين في المجال: "اتعظوا يا أهل الفن"

جّه مطرب المهرجانات المعتزل فارس حميدة رسالة مؤثرة إلى زملائه في الوسط الفني، عقب وفاة المطرب الشعبي أحمد عامر، الذي رحل عن عالمنا صباح اليوم الأربعاء إثر إصابته بأزمة قلبية مفاجئة.

رسالة فارس حميدة بعد رحيل أحمد عامر

ونشر فارس حميدة مقطع فيديو، عبر حسابه الرسمي على «فيسبوك»: «لسه شايف خبر مفجع بالنسبالي، والحقيقة الواحد حزين جدًا، وهو خبر موت أخونا أحمد عامر، ربنا يرحمه ويغفر له ويتجاوز عن سيئاته، ويسكنه فسيح جناته ويثبته عند السؤال، اللهم آمين».

وأضاف: «رسالة لـ إخوتنا المطربين والفنانين هي دي الدنيا اللي إحنا بنجري وراها وناسين آخرتنا بسببها، و(جاءت سكرة الموت بالحق)، هي دي فكرة الموت اللي كل ما بتحصل حاجة تفكرك بيها تتغاطاها وتكمل في طريقك، هو ده الموت اللي أنت ناسيه ومسحول ورا التريندات والأعمال والنجاحات اللي هي مش نجاحات، كل نفسٍ ذائقة الموت».

وتابع: «هنفضل نجري ونعمل فلوس وشهرة، وهيجي الموت ياخدني ومش هيبقى غير العمل الصالح، والله ما هاخد في الكفن الفلوس ولا الشهرة والأرقام اللي حققتها، وكل يوم بيجيلك رسالة».

واختتم: «يعني أخونا أحمد عامر شاب كان طيب وبنسمع عنه كل خير، وكان في وقت نجاحه بس الموت مش هيفرق بين النجم واللي مش نجم وبين الكبير والصغير، ومش هتاخد معاك غير عملك الصالح، واتمنى أن يكون في عمل صالح لـ أحمد عامر بينه وبين ربنا يشفعله، فـ اتعظوا يا أهل الفن».