صديقة مها الصغير تعلق على أزمتها: غلطت لكنها صاحبة موهبة حقيقية والسقا إنسان محترم وجدع

علقت لمياء كامل، الصديقة المقربة للإعلامية مها الصغير، على أزمتها الأخيرة بشأن سرقة اللوحات، وذلك في محاولة لمساندتها ودعمها، كما تطرقت لخلافات الصغير مع طليقها أحمد السقا.

وقالت لمياء، في منشور لها على صفحتها عبر موقع التواصل الاجتماعي الأشهر "فيس بوك": " فى لحظة الواحد لازم يقول فيها كلمة حق فى ناس جميلة أنا دخلت بيتهم مها الصغير صديقة عمر خلافها ومشاكلها مع أحمد السقا مسالة شخصية وبغض النظر عن طلاقهم السقا إنسان محترم وجدع وماشفتش منه غير كل خير وكرم وأخلاق، ورغم خلافهم كلنا بنشهد له بالرجولة والأدب وحسن المعاملة فى كل الظروف ، و كلنا زعلنا جدا جدا من خبر الانفصال". 

وأضافت: أما موقف مها الأخير اللى لا تحسد عليه واللى اعتذرت عنه فهو موقف صعب.. بس شهادة حق مها بترسم ورسمها جميل أكيد مش زى اللوحات اللى نسبتها لنفسها بس هى عندها موهبة وبتصمم شنط أنا شخصيا اخدت منها كتير..  أنا مش عارفة ايه اللى خلاها تعمل كده واكيد مفيش سبب أو عذر.. مش قادرة أقول غير إنى حزينة عليها وعلى أسرة السقا الجميلة".