


«فقدت أبوها وجوزها وأخوها».. ريهام سعيد تدافع عن مها الصغير
كتب: أمنية مدحت




دافعت الإعلامية ريهام سعيد، عن الإعلامية مها الصغير، بعد الهجوم المتكرر الذي تعرضت لها خلال الأيام القليلة الماضية، منذ أن تصدر اسمها محركات البحث بعد انفصالها عن الفنان أحمد السقا، ثم أزمة سرقة لوحات فنية لها حقوق ملكية لفنانين عالميين، ونسبها لنفسها، وأخيرًا سرقة تصميمات عالمية أيضًا لـ «براند» حقائب نسائية منسوب لها.
ريهام سعيد تدافع عن مها الصغير
وكتبت ريهام سعيد -عبر حسابها الرسمي على «فيسبوك»-: «غلطت واعتذرت.. حد سأل عملت كده ليه ؟؟؟ من غير تفاصيل مها عدت بأوقات كتير قاسية جدا واستحملت كتير وأنا عارفة ده لأني كنت صديقة والدها جدا الله يرحمه، آكيد بعد اللي مرت بيه وبعد فقدان أبوها وزوجها وخلافاتها مع أخوها كانت بتدور على تقدير، بتدور على نجاح بطريقه غلط».
وأضافت: «لما بتحس بعدم الأمان أنت بتبقي مش مستقر نفسيا وبتعمل تصرفات غريبة لإثبات الذات، عايز تبقي ناجح ومشهور بأي طريقة، مش ببرر بس كلنا بنغلط.. كفاية إهانة، هي لو جبل كان اتهد».
واختتمت ريهام: «أنا مريت بهجوم قبل كده ولكن كان على باطل بس برضوا مجرح أوي، مها غلطت وانتوا كمان بتغلطوا هي غلط وغلط جدا اللي عملته، بس أنا متأكدة أن ده نتيجة ضغوط نفسية بتمر بيها.. أرجو التوقف عن الهجوم أنا خايفة عليها مش هاتستحمل كل ده».
وشهدت التعليقات على منشور ريهام سعيد، هجومًا شديدًا من متابعيها بعد دفاعها عن مها الصغير، بسبب غضبهم الشديد منها.