وسام أبوعلي: بعتذر لجمهور الأهلي.. كنت بمر بضغوط أسرية
كتب: محمود جودة
وجه وسام أبو علي رسالة إلى جماهير النادي الأهلي بعد الاتفاق على رحيله إلى نادي كولومبوس الأمريكي.
وقال وسام في رسالته: "أنا بعتذر لجمهور النادي الأهلي ولرئيس النادي الأهلي الكابتن محمود الخطيب والإدارة واللعيبة اللي في الفريق على التصرف اللي عملته والحاجات اللي حصلت من ناحيتي".
وأضاف: "أنا مش عايز غير الحب بيني وبين الجمهور والنادي والإدارة، أنا كنت بمر بضغوط أسرية شوية واتصرفت بطريقة مش كويسة، والنادي الأهلي نادي كبير وعظيم وجماهيره كلها حب للفريق وعلاقتي بالفريق من أول يوم جميلة جدا".
وتابع: "ده النادي اللي طلعني لفوق وجمهوره هو اللي عملني ووصلني للمرحلة دي وأن يجيلي فرصة احتراف وأندية تانية، وده النادي اللي أداني أحلى سنة ونص في حياتي عشان كده أنا بعتذر تاني للأهلي وجمهوره وأنا مينفعش كنت أعمل كده".
