محمد التاجي يكشف عن سر قبوله شخصية «فوزي» في مسلسل العتاولة: الدور جديد مقدمتوش قبل كده

كشف الفنان محمد التاجي عن أسباب قبوله تجسيد شخصية "فوزي" في مسلسل العتاولة، مؤكدًا أن الدور شكّل تحديًا جديدًا بالنسبة له، كونه لم يقدّم شخصية مشابهة من قبل.

وقال التاجي، خلال لقائه في برنامج على قناة "إكسترا نيوز":"الممثل لازم يغيّر جلده من وقت للتاني، ويجرب أدوار مختلفة ومتنوعة ما بين الكوميديا والدراما وحتى الشخصيات الشريرة، علشان يثبت نفسه ويكسر التكرار."

وعن شخصية "فوزي"، أضاف:"أنا ماخفتش من الدور، اللي خاف فعلاً كانت شركة الإنتاج.. لكن أنا شفت فيه فرصة لتقديم شيء مختلف عني تمامًا."

رسالة من الماضي: لماذا لم يشجعني جدي؟

وفي جزء شخصي من الحوار، تطرّق التاجي إلى علاقته بجده، كاشفًا أن الأخير لم يكن مشجعًا له في بداية طريقه الفني.
وقال بأسى واضح:"جدي لم يدعمني في البداية، مش لأنه كان ضد التمثيل، لكن لأنه كان شايف الطريق صعب، وكان حاسس بالتعب اللي هو نفسه عاناه. مكانش عايز يشوفني أمر بنفس المعاناة."

وتابع:"فهمت وجهة نظره بعد ما كبرت.. هو ماكنش معارضني، بس كان حريص على اسمه وتاريخه، وخايف لو دخلت المجال من غير موهبة، يتقال ده حفيد فلان. ورغم إنه ما ساعدنيش، قالّي: لو مصرّ تكمل.. كمّل، بس اعتمد على نفسك."