سوزي الأردنية ترد باكية بعد اتهامها بالإساءة للنبي: كلامي اتحرّف علشان الترند
كتب: حسناء حسن
خرجت البلوجر سوزي الأردنية عن صمتها بعد موجة من الانتقادات والهجوم الحاد على مواقع التواصل الاجتماعي، إثر تداول مقطع فيديو تم تفسيره على أنه إساءة للنبي محمد صلى الله عليه وسلم.
وفي "ستوري" نشرتها عبر حسابها على إنستجرام، أكدت سوزي أن حديثها فُهم بشكل خاطئ، وتم تحريفه عمدًا من أجل "الريتش والترند"، مشيرة إلى أنها كانت تتحدث عن التشبّه بأخلاق النبي في الجدية والعمل بالتجارة، وليس الإساءة له بأي شكل.
وقالت سوزي بانهيار:"الناس بتكبر المواضيع بمزاجها، وبتحرف الكلام علشان التفاعل... أنا مقولتش حاجة غلط، وقصدي كان إن النبي عليه الصلاة والسلام تاجر ومتعلم، وأنا كمان بشتغل في التجارة، ودي حاجة عمري ما أقارن نفسي بيها لكن بتكلم عن قدوة بحبها".
وتابعت:"أنا مريضة قلب، واللي بيتقال عليّ كتير أوي ومش مستحملاه... لو حصل لي حاجة، المرادي أنا مش مسامحة، وسلمت أمري لربنا".
وفي توضيح لاحق، نشرت سوزي رسالة جديدة قالت فيها:"كنت بتكلم بعفويتي، والناس فهموني غلط... مستحيل أكون أقصد أي إساءة، وكل اللي كنت أقصده هو إن أخلاق النبي مثل الأمانة والصدق هي قدوتي في الشغل".
وأكدت أنها تحترم دينها بشدة، وتحرص دائمًا على أن تكون عند حسن ظن الناس وربها، مناشدة الجمهور بالتوقف عن تحريف الكلام وتضخيم الأمور على حساب سمعة الآخرين.
