تامر عبد المنعم يستنكر الهجوم على ريهام حجاج

استنكر الفنان تامر عبد المنعم، الهجوم غير المبرر على النجمة ريهام حجاج، مؤكدًا أنها ممثلة جيدة ولا تستحق ما يحدث معها من انتقادات لاذعة وتنمر طوال الوقت من قبل البعض على مواقع التواصل الاجتماعي

وقال "عبد المنعم": "هي ريهام من الإخوان ولا إيه؟ هو في هجوم من الفنانين ومن الشارع، لزومها إيه إن إحنا نتنمر على حد، ريهام اشتغلت زمان وعارفينها من زمان، وربنا كرمها وعملت بطولة، زي ما إنت مش عارف تشوفها في ناس تانية عايزة تشوفها".

وتابع: "التنمر مرفوض، ولو إنت شايف إن ريهام مش كويسة متشوفهاش، بس الغلط إننا نشتم فيها ونعمل عليها هاشتاجات ولو مابتحبهاش ومش بتحب مسلسلها غير المحطة لكن كفاية غلط فيها"، وجاء ذلك خلال استضافته مع الإعلامية داليا فؤاد في برنامج "ضرب نار"، والمُذاع على قناة "القاهرة والناس".

 

وتشارك النجمة ريهام حجاج في السباق الرمضاني الحالي بمسلسل "يوتيرن" مع النجوم: توفيق عبد الحميد وعبير صبرى وكريم قاسم وأيمن قيسوني ومحمود حجازي وصفاء الطوخي وعبير منير وهلا السعيد وغيرهم، تأليف أيمن سلامة، وإخراج سامح عبد العزيز.