مصطفى كامل غاضبا من أنغام بعد أزمتها الصحية: تجاهلت رسالتي ومش هكلمها تاني
كتب: نسرين إبراهيم
أعرب الفنان مصطفى كامل، نقيب الموسيقيين، عن غضبه من تجاهل الفنانة أنغام، رسالته التي حاول الاطمئنان عليها من خلالها بعد أزمتها الصحية، مؤكدا أنه لن يتواصل معها مرة أخرى.
وقال مصطفى كامل في مقابلة مع "ET بالعربي": "أولًا وقبل أي حاجة ألف سلامة عليها وربنا يقومها بألف سلامة ويشفيها لأبنائها وجمهورها لكن أنا آخر مرة أعلنت إنها تعبانة أنا بعتلها رسالة بقولها طمنيني عليكي فمردتش.. فأنا للأمانة مبعتش رسائل تاني".
وأضاف مصطفى كامل: "أنا مؤمن بدوري المؤسسي وإني أنا آه لازم أكون حبيب الكل وزميل الكل مش هقعد أدور على أي فنان زميل وهو ميردش لا لا.. هي بتبقى فيه حاجة اسمها تقدير أنا دوري كنقيب إن أنا أطمن.. طب لما تبقى زميلتي كمان وبحبها فطبيعي جدا لما تشوفي رسالتي وأنا بطمن عليكي أنا مبقولكيش ابعتيلي فلوس سلف فالمفروض تردي.. فلما هي مردتش المرة اللي فاتت فأنا للأمانة مبعتش تاني.. مبحبش عن نفسي كده خصوصًا إن كمان الفنانة دي بالنسبة لي حاجة كبيرة أوي وحاجة لطيفة أوي في حياتي أنا بحبها على المستوى الفني والشخصي وبنا كل حب واحترام".
وتابع غاضبا: "لو ابني أو مراتي قالتلي أنغام باعتة وأنا مش قادر.. أنا لو حاطط محلول هقول لمراتي تقولها ميرسي يا أنغام الحمد لله هو تمام.. إنما مترديش عليّ فخلاص أنا مش هتصل تاني".
View this post on Instagram
