تامر حسني يرد على جدل عمله في التأليف والتلحين والإخراج: "بصيت في ورقتي لقيت ربنا بيكرمني"
كتب: أمنية مدحت
رد الفنان تامر حسني على جدل عمله في التأليف والتلحين والإخراج، مشيرًا إلى أنه تعرض لهجوم شديد في بداية دخوله المجال الفني، لكنه أصر على استكمال الطريق، لأنه حقق نجاحات متكررة.
تامر حسني يرد على جدل عمله في التأليف والتلحين
قال "حسني" خلال بث مباشر عبر حسابه الرسمي على موقع التواصل الاجتماعي "تيك توك": "أول لحن عملته كان لحن أغنية (راحت حبيبتي) ونجحت جدا، لكن لقيت ناس في الصحافة بتقول: (أنت لحقت تنجح عشان تلحن؟)، قولت: (دي نجحت أومال لو فشلت؟!)".
وأضاف أنه لم يحبط مما حدث بل قرر استكمال طريقه، مشيرًا: "ممكن يبقى في حد ورا ده، أو حد مش معجب بأنك بتعمل كذا حاجة، قولت ضايقك إن أنا لحنت؛ طيب أنا هلحن تاني".
وأشار: "لحنت تاني وغضب عني كتبت كمان أغنية (يا نور عيني) ونجحت جدا، وبقت من أنجح أغاني عمري.. واتضح إن في ناس بتبقى مش عايزاك كويس، وبتحس بفرق رهيب لما تبقى كويس في كذا حاجة".
واختتم: "الإيجابي بيجتهد ويتشجع.. أنا كتبت أفلام وأخرجت وده مكنتش في نيتي أوي، بس لما نجحت وبصيت في ورقتي لقيت ربنا بيكرمني".
