"بتعامل أسوأ معاملة ومفيش فلوس".. لاعب شباب الزمالك يهاجم إدارة النادي

خرج عمار ياسر، لاعب فريق الشباب بنادي الزمالك، عن صمته كاشفًا ما يمر به منذ انضمامه لتدريبات فريق الشباب بعد تصعيده سابقًا للفريق الأول.

وقال اللاعب، عبر حسابه على موقع التواصل الاجتماعي "إنستجرام"، إنه تعرض لمعاملة سيئة منذ عودته لصفوف الناشئين قبل أكثر من عام، على عكس زملائه، مؤكدًا أنه لم يكن سببًا في إبعاد أي لاعب أو الحصول على فرصة على حساب أحد.

وأوضح عمار أنه تلقى خلال الفترة الماضية عدة عروض للإعارة أو البيع، لكنها كانت تُرفض جميعها دون علمه بالأسباب، مشيرًا إلى أنه منذ أغسطس الماضي لم يتقاضَ أي مستحقات مالية من النادي، ما يعني أنه أمضى عامًا كاملًا بلا راتب، رغم عدم اعتراضه في البداية.

وأضاف اللاعب أنه حينما حاول مناقشة الأمر مع المسؤولين، كان الرد بأن النادي يمر بأزمة مالية، متسائلًا عن كيفية تدبير أموره المعيشية في ظل هذا الوضع.

وتضمنت رسالة عمار ياسر على "إنستجرام": "أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده".

وتابع: "أنا من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي، وللأسف ولا كأني كنت طالع غضب عن حد، أو واخد مكان حد".

وأضاف: "من السنة اللي فاتت لحد دلوقتي بيجيلي عروض إعارة وبيع وكلها كانت بتترفض من غير ما أعرف مين السبب".

وقال لاعب الزمالك الشاب: "من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترضتش.. ولما أتكلم مع حد، بيقولوا مفيش فلوس وإن النادي بيمر بأزمة، طب أنا أعيش إزاي وأصرف منين؟".