«كفاية تنظير وفزلكة».. مي عمر تهاجم مخرج شهير بسبب التريندات

انتقدت الفنانة مي عمر، سلوك أحد زملائها في الوسط الفني، وكشفت عن تناقضه بعد عرض مسلسله، وهجومه السابق على الفنانين الذين يحتفلون بتصدر أعمالهم التريند، وهو ما يفعله الآن بعد نجاح مسلسله الذي يعرض في الأوف سيزون.

وكتبت مي عمر، منشورا طويلا عبر حسابها على فيسبوك، قالت فيه: "زميل (مش ممثل)، وكنت بعتبره صديق، طلع في رمضان كتب بوست بيتريق فيه على الناس اللي بتفرح وتشارك إنها ترند رقم واحد. والبوست كان كله بقى: “الترند مش هدف الشغلانة” و“إحنا بنشتغل عشان الفن مش الأرقام”… كلام تنظير وفزلكة على أعلى مستوى".

وتابعت: "وأنا ساعتها قلت مش هرد، وكنت سايبة الأيام تكشف.. عشان كنت عارفة إن عنده مسلسل هيتذاع أوف سيزون، وأول ما يقرب من أي ترند حتى لو دخل رقم عشرة نص ساعة، هيبقى مش مصدق نفسه وهيقعد يشارك ويحتفل كأنه فتح القدس".

وأضافت: "وفعلاً… مكدبش خبر! أول ما مسلسله دخل التريند، بقى بيشارك فرحان إنه “رقم واحد”. الله! هو الترند كان وحش في رمضان وبقى جميل دلوقتي؟".

واستكملت: "طبعا أنا مش ضد إن أي حد يفرح بنجاحه… بالعكس مبروك والله، ومن حقك تفرح وتشارك لإن ده تعبك ومجهودك.. بس ياريت نبطل المنظر بتاع: "أنا مختلف… أنا فوق الترندات"، وبعد كده أول ما نقرب منها نطير من الفرح وننشر 20 ستوري".

وأردفت: "وأنا عارفة إن أي حد يعرفني كويس هيستغرب من كلامي، لأني عمري ما رديت على حد. بس بجد ليه إحنا شطار جدًا في إننا نحرّم على غيرنا حاجة، ولما تيجي في ملعبنا تبقى فجأة أحلى حاجة في الدنيا؟ .. في الآخر… الترند مش هدف... غير لما يبقى معانا! ".

واختتمت: "للتوضيح، كلامي مش موجّه لأي نجوم شاركوا في العمل بالعكس أنا بقدّرهم وباحترمهم علشان ماحدش يفهمني غلط".