تامر حسني يوجه رسالة تحفيزية لجمهوره: محدش هينفعك غير مجهودك ومتبصش وراك

نشر الفنان تامر حسني عبر حسابه الرسمي على موقع "إنستجرام"، مقطع فيديو كرتوني يحمل رسالة تحفيزية، يتناول فكرة السعي وراء الأحلام رغم صعوبتها، مشيرًا إلى أن الشعور بالأمان والدعم قد يحول المستحيل إلى واقع.

خطوة النجاح تبدأ بالإيمان والشغف

وعلّق تامر على الفيديو قائلاً:"قد إيه ده ڤيديو عظيم... كلنا لما بنفكر ناخد خطوة جديدة للنجاح، بنبقى مش عارفين هننجح ولا لأ.

بس لما نحسبها صح، ونحضّر لها كويس، مع الناس الصح وفي الوقت الصح، هيفضل أهم عنصر: إيمانك بالخطوة، وحبك، وشغفك الخارق ليها."

وأشار إلى أن "المشي على الهوا" في المقطع الرمزي يعكس السعي وراء الأحلام التي قد يراها البعض مستحيلة، لكنها قابلة للتحقيق إذا بدأ الإنسان بخطوة وثقة في نفسه.

التفكير في الماضي يعرقل التقدم

وفي رسالة ضمنية حول أهمية التركيز على المستقبل، قال تامر:"في ناس كتير تفكيرها في الماضي بيعطلها. دايمًا بصين وراهم، وآديكم شفتوا لما الولد بص وراه وقع، الماضي عدى خلاص، ومحدش يقدر يمشي لقدام وهو باصص وراه... لازم يقع أو يخبط في حاجة تعطّله."

"حب حاضرك وخد قرار ينجّحك"

اختتم تامر رسالته بتوجيه دعوة واضحة لجمهوره:"ركّز في الحاضر، لأنه ده الوقت الوحيد اللي ملكك، ولو حبيته هيحبك وهيقف معاك.

حب حاضرك رغم أي مشاكل، واتحدى صعوباته... هو ده صراعك الحقيقي، يلا خد حالًا أحلى قرار ينجّحك، محدش هينفعك غير مجهودك وسعيك، ومتبصش وراك أرجوك.
نهاركم كله خير."

تامر حسني: دعم المواهب واجب.. وتأثير الكلمات خطير

وفي تصريحات سابقة، أكد تامر حرصه على دعم المواهب الشابة، قائلًا:"أنا تعبت جدًا في بدايتي، ولو أقدر أساعد حد هساعده.

بحاول بقدر الإمكان إني أدعم المواهب الشابة، مش لازم حد يتمرمط ويشوف البهدلة اللي أنا شوفتها، وده اتعلمته من والدتي، لأنها كانت بتجبر بخاطر الكل."

كما حذر من تأثير التعليقات السلبية، موضحًا:"كلمة وحشة ممكن تموت بني آدم، أنا كفنان اتمرنت أتعامل، لكن البني آدم الطبيعي بيتأثر فعلًا، بطلب من الناس يتعلموا إزاي يحولوا الطاقة السلبية لطاقة إيجابية."