سؤال غريب في مهرجان القاهرة السينمائي يثير دهشة النجوم: "الناس بتتجوز ليه؟"

أثارت الإعلامية سالي شاهين دهشة الفنانين أثناء فعاليات مهرجان القاهرة السينمائي الدولي الـ46 بسؤالها الغريب في ختام كل لقاء:
"سؤال أخير ليس له علاقة بالمهرجان، هي الناس بتتجوز ليه؟"

وجاءت إجابات النجوم متنوعة وتعكس وجهات نظرهم الشخصية:

• أحمد مجدي: "الناس بتتجوز عشان ضغط اجتماعي".

• حسين فهمي: "الزواج يتم من أجل الحب".

• لبلبة: "عشان يتجوزوا ويخلفوا عيال ويبنوا أسرة".

• درة: "أنا بقالي 5 سنين متجوزة وده سؤال صعب. الجواز يعني الشريكين يتونسوا ببعض، ويكون في حد بيخاف عليكي وتخافي عليه، واللحظات الحقيقية اللي بيعيشها الشريكين".

• أحمد فؤاد هنو (وزير الثقافة): "الزواج حاجة كويسة، إن الإنسان يبقى عنده شريك يرتاح إليه".

• إسعاد يونس: "الناس زمان كانت بتتجوز عشان تخلف وتعمل أسرة وعيلة، أما الآن فالتفكير في سبب الزواج أصبح مرتبطًا بالقدرة على مباشرة الحياة الزوجية الأبدية، وهذه الفكرة أصبحت محل نقاش".

السؤال أثار تفاعلات واسعة بين الحاضرين وأكد على تنوع وجهات نظر الفنانين حول الزواج في العصر الحديث.