المطربة شذى عن طلاقها: "مانبسطتش من التجربة وحسيت اني اتسرعت"

حلّت الفنانة شذى ضيفة في البرنامج الإذاعي لمن يهمه الأمر، التي تقدمه الإعلامية أميرة نور، وتحدثت خلال اللقاء عن تجربة انفصالها وعن السبب وراء ذلك.

حيث قالت شذى في لقائها: “اللي حصل حصل، وأنا مش من المدرسة أني اتكلم في حق حد، لأني بنت ناس الحمدلله، واتعلمت أن اللي في البيت يفضل في البيت، ممكن أقول أن انا منبسطتش من التجربة، اتسرعت كتير، وده مش معناه أن حد فينا سئ، أحنا الاتنين كويسين بس النتيجة أننا منبسطتناش بس، كنا راسمين لحياتنا شكل وفي الحقيقة طلع شكل تاني خالص".

وأضافت: "الموضوع مكنش له علاقة أبدًا بالماديات، الموضوع كله أن كان في دماغك أن الشريك ده يدعمك في شغلك ويشجعك، ويهتم باهتماماتك ويفرح لفرحك، أبسط حاجة أن كان في نوع أكل بنحبه زي بعض، بعد كتب الكتاب طلعنا مس بنحبه زي بعض".

وأشارت: "أي فنان هو إنسان وكان كل اللي كنت عايزاه أمان احتواء راحة، وخصوصًا واحدة بظروفي مكنتش عايزة غير ده، ومش فارقلي الفلوس خالص، ومع ذلك مش هقدر أخد حد اقل مني ماديًا عشان اقدر احترمه، يمكن لو أمي كانت عايشة الموضوع ده مكنش حصل أصلًا حقيقي أنا اتصدمت”.