المخرج رامي إمام  لـ"العاصمة": "ده صوت إيه ده" تجربة جديدة.. وحلم حياتي أعمل فيلم ميوزيكال

علق المخرج رامي إمام على تجربة الفيلم القصير "ده صوت إيه ده" الذي يعد تجربة شبابية يضم العديد من العناصر الفنية من المواهب الشابة الجديدة.

وقال رامي إمام في تصريحات خاصة لـ"العاصمة" على هامش حضوره العرض الخاص للفيلم: "الفيلم ميوزيكال وده ما بنشوفهوش كتير، ودي تجربة جديدة مختلفة لأن الفيلم القصير أصعب ما يكون خاصة لو من هذا النوع لأنه 16 دقيقة ميوزيكال شئ مش سهل".

وعن تقديم هذه النوعية من خلال المسرح، قال رامي إمام: "على المسرح تم فعله زمان جدا، وتم إنتاج مسرحيات ميوزيكال كتير جدا ومن زمان، كل المسرحيات القديمة معظمها كانت ميوزيكال، على سبيل المثال منها مدرسة المشاغبين، موسيقى في الحي الشرقي، قصة الحي الغربي، كلها معظمها ميوزيكال".

وكشف عن أمنياته بتقديم فيلم من هذه النوعية، قائلا: "أنا حلم حياتي أعمل فيلم ميوزيكال، يمكن بعمل حاجة في الفيلم اللي بشتغل عليه دلوقتي فيها شق صغير ميوزيكال".

وعن جديده قال المخرج رامي إمام: "بجهز لمسلسل في رمضان أو بعد رمضان لعام 2026".