عصام عمر يحوّل عرض مسلسل "بطل العالم" لمبادرة بتبرعه بحلبة مصارعة لمركز شباب

كشف الفنان عصام عمر عن أسباب تخليه عن العرض الخاص لمسلسله الجديد "بطل العالم"، بالإضافة لإطلاق مبادرة اجتماعية تهدف لدعم الشباب بدلا منها، من خلال التبرع بحلبة مصارعة لمركز شباب صفط اللبن.

ونشر عصام عمر منشورًا عبر صفحته على موقع فيسبوك، أوضح فيه سبب رفضه إقامة العرض الخاص قائلاً: "قبل ما نبدأ حلقات المسلسل كنا متعودين نعمل عرض خاص ونعزم الناس تيجي تتفرج على أول حلقة كأنه فيلم، بس المرة دي مكنتش حابب أعمل كده لأني عمري ما عملت عرض خاص لمسلسل من اللي عملتهم".

وأضاف: "جاتلنا فكرة إن بفلوس العرض الخاص نعمل حاجة تنفع أكتر الشباب في الموضوع اللي احنا بنتكلم فيه، والنهاردة الصبح ربنا كرمنا وعملنا ده مع صديقي وشريكي، والفكرة بدأت من عند المنتج طارق نصر".

واختتم الفنان حديثه بالشكر لمن ساهم في تنفيذ المبادرة، قائلاً: "شكراً لـ 'يانجو بلاي' اللي متأخروش علينا في إننا نعمل حاجة تنفع الناس أكتر وأكتر.. أقدم لكم مركز شباب صفط اللبن (بطل العالم)".