مروة صبري تعلق على واقعة التحرش في الأتوبيس العام: «ليه بنستخبى ورا الدين؟»
كتب: حسناء حسن
علّقت الإعلامية مروة صبري على واقعة التحرش بفتاة داخل أحد الأتوبيسات العامة، والتي أثارت جدلًا واسعًا بعد تداول مقطع فيديو للفتاة تستغيث فيه، وذلك عبر منشور نشرته على حسابها الرسمي بموقع «إنستجرام».
وأعربت مروة صبري عن استيائها من حالة الانقسام التي شهدتها مواقع التواصل الاجتماعي بشأن الواقعة، ما بين من دافع عن الفتاة ومن شكك في روايتها، مؤكدة أن الجهات المختصة ألقت القبض على المتهم وجارٍ التحقيق معه، وأن الحقيقة ستتضح عبر القانون.
وقالت الإعلامية "أنا هقول كلمتين ابرك من مليون طبعا كلنا شوفنا قصة الراجل و البنت اللى كانوا في الاوتوبيس و اللى صورته وقالت انه اتحرش
بيها وبيحاول يضايقها بقاله فترة، وكالعادة السوشيال ميديا مقسومة نصين ما بين أن البنت استفزته وأن الراجل معملش حاجة إلا لما هي غلطت فيه الأول و الرأى التانى بيقول أن الراجل اتحرش بيها فعلا، طيب هو ده دلوقتى اتقبض عليه و بيتحقق معاه و الحقيقه هتظهر، ولكن عندى سؤال و ارجوكم حد يرد عليا رد منطقى اقتنع بيه ليه الناس اللى بتدعى أنها متدينة أبعد ما يكون عن الدين ؟؟؟؟؟ ليه لما حد بيتصور و هو بيعمل كارثة يقول اصلكوا ملكوش في الدين؟؟؟؟، ليه الراجل اللى ماسك سبحة أطول منه في الاوتوبيس و شايف البنت بتصرخ و بتستنجد بيه مهزش طوله و دافع عنها أو على الاقل خلص الموضوع؟؟؟؟؟، ليه الست المحجبة اللى قاعدة جنب الراجل اللى ماسك سبحة كانت ساكتة و حتى مقالتش للمتحرش عيب كده دى بنت؟؟؟؟، لييييه بتستخبوا ورا عباية الدين، ياللى مبتنفذوش ابسط أمور الدين؟؟؟؟؟".
وفي سياق آخر، تساءلت مروة صبري عن أسباب غياب الفنان محمد حماقي عن الساحة الفنية خلال الفترة الماضية، مؤكدة أنه يمتلك قاعدة جماهيرية كبيرة وصوتًا مميزًا، مطالبة بتوضيح أسباب ابتعاده، وذلك من خلال منشور عبر حسابها على «إنستجرام».
وعلى صعيد مختلف، كانت مروة صبري قد وجهت في وقت سابق رسالة غامضة عبر حسابها على «فيسبوك»، انتقدت خلالها إحدى الشخصيات دون الإفصاح عن هويتها، وهاجمت ما وصفته بانعدام المبادئ والشماتة في أزمات الآخرين، مستخدمة عبارات حادة في رسالتها.
