أحمد فلوكس يدرس في أكاديمية بحرية للعلوم والتكنولوجيا

أعرب الفنان أحمد فلوكس عن سعادته بالدراسة في الأكاديمية البحرية، مشيرا إلى أنه قرر أن يبدأ ويتعلم من جديد.  

ونشر فلوكس عبر حسابه بموقع فيسبوك، صورا له بالأكاديمية البحرية، وعلق: العمر مش رقم…العمر قرار.
قررت أبدأ من جديد، أتعلم من جديد، وأحلم من جديد.

وأضاف: مش متأخر أنا في الوقت الصح بالنسبة لي والوقت الصح بيبدأ أول ما تقرر،  لو حاسس إنك متأخر…
لو حاسس إنك ضيعت وقت، أحب أقولك مفيش حاجة اسمها متأخر، في حاجة اسمها "لسه ما بدأتش".
لو قصتي هتعمل فرق مع شخص واحد بس يبقى أنا كسبان، ماتسيبش حلمك يركن على الرف.

وتابع  فلوكس: الفن علّمني أحلم والدراسة بتعلمني أنفذ والإتنين مع بعض  بداية جديدة،  شكرا للاكاديمية البحرية للعلوم والتكنولوجيا، شكرا للفريق المعلم دعواتكم، إبداءوا ولا تجعلوا شيئا يقف أمام هدفكم".