بعد نجاحه اللافت في “الأسطورة”.. أحمد بتشان يكشف سر غيابه: مليش في الشللية

تحدث المطرب أحمد بتشان عن سبب غيابه عن دراما رمضان خلال السنوات الماضية، رغم النجاح الكبير الذي حققه من خلال أغاني مسلسل الأسطورة بطولة الفنان محمد رمضان عام 2016.

وقال بتشان عبر حسابه الرسمي على “فيسبوك”: “دي أول مرة أكتب بوست زي ده، عشان في ناس كتير جدًا بتسألني إنت مش عامل حاجة ليه في رمضان؟ وآخر حاجة عملتها كانت في أهم مسلسل اتعرض وقتها، وهو مسلسل الأسطورة”.

وأضاف: “الكلام ده كان من حوالي 10 سنين، والحمد لله الأغاني لحد دلوقتي الناس بتسمعها وبتحبها وبتطلبها مني في كل حفلاتي، ومخلصتش زي ما البعض فاكر”.

وتابع: “مش عارف فين المشكلة إني مش موجود في رمضان، مع إني الحمد لله موجود طول السنة بأغاني جديدة وبتحقق نجاح كبير، وده فضل من ربنا عليا، لكن يمكن عشان مليش في جو الشللية”.

واختتم حديثه قائلًا: “البوست ده بس عشان الناس اللي مهتمة تعرف أنا مش موجود ليه، وكل حاجة بتيجي في وقتها، والحمد لله على كل شيء”.

يُذكر أن أحمد بتشان طرح مؤخرًا أغنية “أول ليلة فراق”، من كلمات أحمد عبدالعزيز وألحان وتوزيع ومكساج وماستر يوسف حسين، والتي لاقت تفاعلًا ملحوظًا عبر موقع “يوتيوب”.