مواطن مصري يبكي بسبب التنمر عليه وأولاده: هو انا خلقت نفسي
كتب: متابعات
تعرض مواطن يدعى محمد حسن الشيخ، لسخرية عبر الفيسبوك، بعد مشاركة صورة له مع أولاده «من ذوى الهمم» عبر الفيسبوك، وذلك أثناء احتفاله بعيد الفطر المبارك.
وقال الشيخ فى مقطع فيديو عبر فيسبوك: «فى ناس منزلين صورتى على فيسبوك من امبارح وبتقول إنى معاق، الناس اللى بتتريق عليا أنا وولادى، هو أنا اللى خلقت نفسى؟ وولادى اللى جبتهم للحياة ليهم نصيب إنهم يعيشوا، واللى خلقهم ربنا سبحانه وتعالى، اللهم لا اعتراض على حكمك يارب».
وأضاف: «هو أنا فيا حاجة غريبة، عيالى ليهم نصيب فى الحياة إنهم يعيشوا، ربنا هو اللى خلقهم، فى ناس بتقول هو إزاى أهل مراتى وافقوا عليا، أنا مش من حقى أفرح واتزوج واجيب عيال؟»
وتابع: «ربنا أراد أنى اتزوج ويكون عندى أسرة وعيال، قولولى، إيه الغريب فيا، كل الناس بتنزل صورها وصور عيالها، أنا منزل صورتى مع عيالى، وكاتب جبر الخواطر على الله، كل الناس بتنزل صورها اشمعنا أنا؟ هو أنا ينفع أقول لربنا عايز عيل شعره أصفر وعيونه خضرا».
