حمادة هلال: فكرت أعتزل الغناء بسبب الضغوط ومش هطلب حذف أغانيّ بعد الوفاة
كتب: حسناء حسن
قال الفنان حمادة هلال إنه مرّ بفترات صعبة جعلته يفكر في اعتزال الغناء، موضحًا: «عدّيت بأوقات فيها كسرات خاطر وضغوط نفسية خلتني أعيد التفكير في استمراري بالمجال».
وأضاف خلال استضافته في برنامج "Mirror" مع الإعلامي خالد فرج: «دخلت تجارب واستثمارات برا الفن، لكنها ما نجحتش وخسرت فيها، وده خلاني أرجع أقتنع إن الغنا هو المجال اللي شبهّي ومقدرش أبعد عنه».
وتابع: «أنا مش مؤهل أتكلم في تحريم الغنا أو الموسيقى، دي أمور ليها ناسها، وكل واحد المفروض يركز في علاقته بربنا ويجتهد فيها».
وعن حذف الأغاني بعد الوفاة، قال: «مش بفكر في الموضوع ده، وبكتفي إني أدعي لأي فنان بالرحمة، ومش هطلب حذف أغانيّ لأنها مش ملكي لوحدي، دي بقت جزء من ذكريات الناس».
وأشار إلى موقف غيّر بسببه كلمات إحدى أغانيه: «عدّلت في أغنية “مسطول” بعد ما شفت أب بيعنف ابنه بسببها في فرح، وحسيت لازم أراعي تأثير كلامي على الناس».
