الفنانة سحر حسن تعلق على الفيديو المتداول لابنتها بثينة علي الحجار

أثارت والدة بثينة، ابنة الفنان علي الحجار، حالة واسعة من الجدل عبر مواقع التواصل الاجتماعي، عقب تعليق شديد اللهجة على الفيديو المتداول والمنسوب لابنتها خلال الساعات الأخيرة، مؤكدة أنه تم تسريبه من حساب خاص دون أي إذن.

وكتبت والدة بثينة عبر حسابها الشخصي: «المواقع اللى عماله تقزقز فى سمعة البنت ووالدها... ده فيديو خاص لشابة بتفضفض مع صحابها، من private account، مش للسرقة ولا للنشر».

وأضافت:
«وده شكل بثينة الحقيقى والطبيعى، واللى هيتاجر أو هيعلى الترند هيعرض نفسه للمسألة القانونية، واتقوا الله يا ملايكة بالى قايمين من على السجادة يا مدعى الشرف والاستقامة».

وكانت بثينة قد ظهرت في مقطع الفيديو المتداول وهي تتحدث بسخرية عن ظروفها المعيشية، قائلة: «مش عارفة أنا إزاى عايشة، إحنا عايشين إزاى يا جماعة، أنا مكلتش غير بقسماط من امبارح أنا والقطط»، مضيفة: «هو مش أنا أبويا على الحجار».

كما دعت في حديثها متابعيها إلى الدخول لحساب والدها وتوجيه الانتقادات له، قائلة: «ممكن كلنا ندخل نشتمه على الأكونت بتاعه بليز.. اللى يقدر يعمل كده عنده بوت أكونت أو حاجة، خشوا اشتموا فيه عشان خاطري».