رانيا كمال تكشف تفاصيل صادمة عن تدهور الحالة النفسية لابنها بعد تعرضه لأحداث مؤلمة

أعربت الكاتبة والروائية رانيا كمال عن حزنها الشديد وتأثرها البالغ بسبب تدهور الحالة النفسية لابنها الصغير، وذلك عقب ما تعرضت له من اعتداء وإهانة على يد والده أمام الطفل، إلى جانب واقعة اختطافه وغيابه عنها لعدة أيام.

وقالت رانيا كمال، عبر حسابها الرسمي على موقع “إنستجرام”، إن طفلها “هارون”، البالغ من العمر سنتين و10 أشهر، أصبح يعاني من آثار نفسية واضحة بعد عودته إليها، موضحة أنه بات يشير إلى مواضع الإصابات على جسدها ويكرر عبارة “محمد واوا”، في إشارة إلى إدراكه لما حدث لها.

حيث قالت:

"ابني هارون عنده سنتين و10 شهور، طفل صغير ميستحملش اللي شافه ولا اللي مر بيه، من بعد اللي حصل فيا من كدمات في وشي ورقبتي وإيدي، وهو متأثر جدًا، كل شوية يحط إيده على الأماكن دي ويقولي: “محمد واوا”، يعني فاهم إن محمد هو اللي عمل فيا كده، ومن وقت ما اخدوه مني واختفى عني 4 أيام، مع محمد وابنه عمر وبنته نادين، والولد رجع مش هو، نفسيته بقت سيئة جدًا، مش زي الأول خالص، بقى بيصحى من النوم مخضوض، ويفضل يتأكد إني جنبه"

وأضافت: "الطفل اللي كان بيضحك وبيتكلم ويحب باباه وإخواته، بقى لما بقوله كلم بابا أو أي حد فيهم يقول “نو”، وأوقات يتعصب بشكل مش طبيعي، أنا مش عارفة إيه اللي حصل له في الأربع أيام دول، ولا إزاي اتعاملوا معاه علشان يرجع بالحالة دي!، حسبي الله ونعم الوكيل، اللي حصل ده دمر نفسية طفل بريء ملوش أي ذنب، من أب اناني جاحد سرق حتى الاكل من التلاجة علشان يسيب ابنه بالجوع، لكن الحمد لله له رب كبير احن عليه منك.”