ألفت عمر تروي تجربتها مع نظام ضياء العوضي

أعربت ألفت عمر عن تأييدها لما يُعرف بـ"نظام الطيبات" الذي كان قد أطلقه الدكتور الراحل ضياء العوضي، مشيرة إلى أنها خاضت تجربة شخصية مع هذا النظام ووجدت له تأثيرًا إيجابيًا على حالتها الصحية.

وقالت عبر حسابها على فيسبوك إن تجربتها جاءت بعد سنوات من اتباع أنظمة غذائية مختلفة، موضحة أنها لا تهدف إلى الترويج لأي نظام بعينه، وإنما نقل تجربتها الشخصية فقط، خاصة بعد ملاحظتها تحسنًا كبيرًا في صحتها.

وكتبت: “إحقاقا للحق وليس دفاعًا عن أي نظام على الأرض مع العلم أنه كان في اللايف في الفترة الأخيرة بيقول كلام استفزاز للناس ويخبط ويشتم عشان يثير الجدل أكتر ويساعد على انتشار فكرته أكتر وأكتر وكمان الإيجو اعتقد دخل في الموضوع وبقا بيقولو كلام اوفر أوي تريقة منها,, تاكل ربع كيلو سكر والهبل ده متابعينه فاهمين ده كويس أنا مش بدافع أنا بوضح ومكنتش حابة أسلوبه في الأواخر”.
“عموما هقولكم تجربتى الشخصية".

وأضافت أنها جربت العديد من أنظمة الدايت على مدار سنوات طويلة، وصولًا إلى نظام الكيتو، قبل أن تتعرف على تجربة العوضي، قائلة:

“أنا من عشرين سنة بعمل كل أنظمة الدايت كل حاجه جديده بتبعها فتره عشان اشوف صحتى فين لحد الكيتو اللي صدمنا أول ما طلع وكسر مفهومنا عن التخسيس عكس كل حاجة عرفناها.. كل دهون وأنت تخس.. عكس كل مفهوم للتخسيس والصحة معا لحد ما تابعت عوضي الله يرحمه وصدمني بأفكاره أنا مبطلة سكر بقالي سنة إزاى يقول كده وخضار إيه اللى هبطله أنا عايشه على الخضار عشان صحتي وكمان أحافظ على وزني إليكم التجربة الحقيقية من غير ما ادعو حد لاتباعها أنا بس بقول الحق وهو فى دار الحق”.

كما أوضحت أنها تتبع هذا النظام منذ عامين، مشيرة إلى أن حالتها الصحية شهدت تحسنًا كبيرًا بعد معاناتها من عدة مشكلات مزمنة، منها القولون العصبي، آلام البطن، التهاب الجيوب الأنفية، آلام العظام والركبة، تورم الوجه، اضطرابات النوم، مشاكل الجلد والشعر، وغيرها من الأعراض.

واختتمت حديثها قائلة:
“كل ده انتهى من أول أسبوعين في الطيبات وبيرجع بعض الأـعراض لما بلخبط في الأكل بس بصوم يوم أرجع أحسن من الأول مع العلم إني بتعامل مع السكريات بالعقل مش باكل غير متوسط بس الأول كنت مانعة السكريات نهائيًا”.