أول رد من رضوى الشربيني على جدل حلقة فسخ الخطوبة: "سأتخذ إجراءات قانونية"

خرجت الإعلامية رضوى الشربيني للرد على الجدل المثار خلال الأيام الماضية بشأن حلقة فسخ خطوبة إيمان وأحمد، التي عُرضت ضمن برنامج «هي وبس» على شاشة dmc، وذلك بعد ادعاء الفتاة أن الحلقة كانت مفبركة.

وفي بث مباشر عبر صفحتها الرسمية على موقع فيسبوك، أوضحت رضوى الشربيني تفاصيل الواقعة، قائلة:
"وجب التوضيح للناس اللي بيحبوني وبيدعموني ووجب التوضيح للرأي العام وكل من يهمه عن حلقة إيمان وأحمد اللي هو بعت للإعداد عن مشكلة بينه وبين خطيبته، والحاجة الوحيدة اللي هتخليهم يقربوا هو وجودهم في البرنامج."

وأضافت: "حوالي 4 أطراف من الإعداد كلموا أحمد وإيمان، وهما الاتنين قالوا إنهم مخطوبين، وأحمد قال عايزة أصالح خطيبتي عندكوا، وكل القصص اللي بتيجي البرنامج بتمضي على ورقة، وحضرتك ماضية إن أثناء الحلقة كل لفتة بتعمليها مسجلة ومصورة، يعني حضرتك متفاجئتيش وأنا ماسكة الكارت وبقولك الأسئلة والكاميرا اتفتحت لأنك ماضية على ورق."

وتابعت: "ومن ضمن الإقرار المسؤولية عن كافة التصريحات ووجهة النظر الخاصة دون أدنى مسؤولية على إنتاج وإدارة القناة، ومسؤولية كاملة عن كل قول أو فعل يصدر خلال تصوير الحلقة، يعني أنتي ماضية إن كل حركة ولفتة خلال الحلقة أنتي مسؤولة عنها يا أستاذة إيمان، أنتي بعتي لينا بطاقة إنك آنسة مش مطلقة، وجب التوضيح للرأي العام والجمهور ولكل من يهمه الأمر."

وأشارت الشربيني إلى اتخاذها إجراءات قانونية، قائلة: "هيكون في تحرك قانوني من ناحيتي بعد التشهير وإثارة الجدل والبلبلة بهذا الشكل، أنا هروح للقضاء والقضاء هيجبلي حقي، لكل المحبين والكارهين، هذا ما حدث بشهادة الشهود بالتسجيلات الصوتية والرسائل، الكواليس موجود وكل شيء موجود، دلوقتي أنا هتحرك قضائيًا علشان القانون يجبلي حقي، بجد معرفش انتي عملتي كده ليه."

واستكملت حديثها مؤكدة عدم وجود خلاف شخصي، حيث قالت:
"القصة قصتك والحكاية حكايتك، وخطيبك اللي طلب يستعين بينا علشان تتصالحوا على بعض، أنا معرفش انتي عملتي كده ليه وأنتي بالنسبة ليا مش عدو."

وأضافت: "أنتي تعلمي إن بعد ما الحلقة اتعرضت بعتي لفريق الإعداد إن الحلقة كسرت الدنيا وطالعة تريند، وفريق الإعداد قالك إنهم كانوا نفسهم يصلحوا، وحضرتك بعتي لأستاذ أحمد ووالدته يتقدموا للقضاء لأنك مكنتش عارفة إننا بنسجل، وأنتي كنتي عارفة إننا بنسجل."

واختتمت تصريحاتها بقولها:
"أنتي عارفة أنتي قلتي إيه على والدة أستاذ أحمد، وللأسف متشالش، وفي شهود عيان إنك قولتي لو والدته ثابتة على موقفها أنا هفسخ، والشيخ وخطيبك شهدوا بده."