عمرو أديب ينتقد ما حدث في عزاء هاني شاكر: فيه ناس بتحولها لسيرك
كتب: حسناء حسن
انتقد الإعلامي عمرو أديب بعض المظاهر والسلوكيات التي تحدث في الجنازات والعزاءات، مشيرًا إلى ما رآه من تجاوزات خلال عزاء الفنان الراحل هاني شاكر.
وخلال تقديمه برنامج “الحكاية” عبر قناة “إم بي سي مصر”، قال عمرو أديب إن هناك أشخاصًا لا يحترمون قدسية العزاء، واصفًا إياهم بأنهم يأتون لأغراض لا علاقة لها بتقديم واجب العزاء.
وأوضح: «تبقى قاعد يقولك عندى مشكلة بنتى فين وعايزة تتنقل تروح فين، ممكن نتصور، نتصور إزاى؟! طيب أنت جاى ليه».
وأضاف: «إمبارح كان فى وزير من أصدقاء هانى شاكر جايله ناس، والله فى كذا ولو تمضى لنا كذا، فى عزاء الراجل، إحنا بلد الأصول والواجب، الموضوع ده بقى غريب أوي»
وتابع: «وفى ناس واقفة بكاميرات عشان وانت طالع بالعربية تتصور معاك، انت ترضى إن ده يحصل فى جنازة أمك أو عزا أبوك!».
وأكمل: «إحنا بلد الأخلاق مش بتكلم عن عزاء هانى شاكر بس، أنا قبلها بيومين ثلاثة كنت فى عزاء رسمى، وحصل فيه نفس المشاهد، اللى عايز فرصة يمثل واللى عايز فرصة يغني»
وختم أديب: «أرجوكم شوية أخلاق واحترام للموت والحزن، حط نفسك مكان أسرة الشخص المتوفى، محدش يحب عزاء أبوه يتحول إلى سيرك، اسمع القرآن وتدبر، العزاء ده تدبر، العزاء ليس مصلحة، الله يرحم هانى شاكر».
