مش عارفة ليه ده بيحصل.. إيناس عز الدين تكشف تعرضها لهجوم إلكتروني

كشفت المطربة إيناس عز الدين عن تعرض حساباتها الرسمية على موقع "فيسبوك" لحملة هجوم وبلاغات مكثفة، معبرة عن صدمتها واستيائها مما يحدث، وذلك بالتزامن مع النجاح الذي تحققه أغنيتها الأخيرة «زينة الخلايق».

وقالت إيناس عز الدين عبر منشور على حسابها الرسمي: «مش عارفة ليه ده بيحصل فعلًا، لكن الأكونت الشخصي والبيدج بتوعي على فيسبوك بيتعرضوا لحملة ريبورتات كبيرة جدًا، وأنا ما عنديش فريق سوشيال ميديا يساعدني أو حتى حد يقولي أتصرف إزاي».

وأضافت: «مصدومة جدًا ومش عايزة أي حاجة تعكر عليا فرحتي ونجاحي، ولو حد عنده معلومة أعمل إيه ياريت ما يبخلش عليا بيها، اللهم اجعل كيدهم في نحورهم».

وفي موقف داعم، حرص الفنان تامر حسني على مساندة إيناس عز الدين، حيث علّق على منشورها قائلًا: «اللي بيحصل ده من لجان مش حابة نجاحك، وعايز أطمنك إني اتعرضت لحاجات زي دي كتير، والحمد لله قدرت أكمل وأحقق حلمي».

وردّت إيناس عز الدين على رسالة تامر حسني بكلمات مليئة بالامتنان، مؤكدة أن دعمه كان له تأثير كبير عليها، قائلة: «أنا محظوظة جدًا بكلامك ودعمك، ومواقفك دايمًا بتثبت أخلاقك وشهامتك، وكلامك خلاني أحس إني مش لوحدي في الإحساس الصعب ده».