أحمد زاهر يكشف تفاصيل مرض ابنته نور: ألوم نفسي وأشعر أنني السبب
كتب: حسناء حسن
تحدث الفنان أحمد زاهر عن الأزمة الصحية التي تعاني منها ابنته الصغرى نور، كاشفًا تفاصيل إصابتها بمرض الغدة الدرقية، ومؤكدًا أنه لا يزال يشعر بالذنب بسبب اعتقاده أن المرض انتقل إليها بعد معاناته هو من المشكلة نفسها.
وقال أحمد زاهر، في تصريحات تليفزيونية: اكتشفت أن بنتي نور الصغيرة جالها الغدة الدرقية لأني خلفتها بعد ما مريت بأزمة الغدة الدرقية، أنا كنت بموت وكنت بلوم نفسي لأن أنا السبب، طبعًا هو كله قدر ولكن إحساسي أن أنا اللي ورثتها ده وبسببي هي بقى عندها ده، ده بيوجعني أوي وبقسى كتير على نفسي.
وأضاف أحمد زاهر: هي بتتحسن شوية ولكن هتفضل تاخد الدواء طول عمرها، هي طبعًا التخن زايد عندها شوية ولما بتعيط صوتها بيروح وبتتخنق، بتوجع قلبي وكل ما بشوف ده بقول أنا السبب وبدخل أنهار في الأوضة، لأن فعلًا أنا السبب لو مكنش جاتلي الغدة قبل ما أخلفها مكنش حصل كده، هي بدأت تخس شوية بقالها فترة ولما بشوفها بدأت ترتاح قلبي بيرفرف.
وأضاف أن تحسن حالة ابنته خلال الفترة الأخيرة، وبدء فقدانها لبعض الوزن، أدخل السعادة إلى قلبه، معربًا عن أمله في استمرار تحسن حالتها الصحية.
وعلى الصعيد الفني، حقق أحمد زاهر نجاحًا مؤخرًا من خلال مسلسل «لعبة وقلبت بجد»، الذي ناقش مخاطر إدمان الألعاب الإلكترونية وتأثيرها على الأطفال والعلاقات الأسرية، مسلطًا الضوء على أهمية دور الأسرة في مواجهة هذه الظاهرة.
