مي عمر تعلق على جدل الأعلى مشاهدة وخناقات الفنانين على "نمبر وان"

دعت الفنانة مي عمر زميلاتها في الوسط الفني إلى تجاوز الخلافات والمنافسة القائمة على تصدر “التريند” ونسب المشاهدة، مؤكدة أهمية استعادة روح التعاون التي كانت سائدة في السابق.

وخلال لقائها مع منصة snaxtra، عبّرت مي عمر عن رؤيتها قائلة: "نفسي إن إحنا نرجع زي زمان ودا اللي كنت بحاول أعمله الفترة اللي فاتت، زمان مكانش فيه أن إحنا نقعد نعلي على بعض وأنا أعلى، ساعات بيبقى في حد رقم 1 وساعات بيبقى في حد رقم 2 يعني كل واحد ليه وقت في الموسم وكلنا عندنا أعمال كويسة وأعمال مش أحلى حاجة".

وشددت على ضرورة تقديم صورة إيجابية للجمهور، مضيفة: "لازم كلنا ندي مثال كويس للناس إننا نبارك لبعض وكلنا بنتمنى لبعض الخير وفي الآخر النجاح دا بتاع ربنا".

على جانب آخر، تواصل مي عمر التواجد في السينما من خلال فيلم "شمشمون ودليلة" الذي تنافس به ضمن موسم صيف 2026، حيث كشفت عن موقف صعب تعرضت له أثناء التصوير، قائلة: "كنت طالعة أجري وأنا في الفيلم في عصاية في الجزمة بطلعها وأنا بطلعها وبجري ومش واخدة بالي العصاية خرجت ووقعت واتكعبلت فيها، حسيت أن أنا أكيد مليون في الميه اتكسرت بس رشيت سبراي وتلج وقمت كملت، أنا حبيت الأكشن أحمد السقا يخاف مني، هو فيلم لذيذ أنا خارجة من رمضان من دور تقيل أوي".

الفيلم يضم نخبة من النجوم، من بينهم أحمد العوضي، أحمد عصام السيد، ريتال عبد العزيز، محمود البزاوي، انتصار، خالد الصاوي، محمد ثروت، وعصام السقا، وهو من تأليف محمود حمدان، وإنتاج أحمد السبكي وكريم السبكي، وإخراج رؤوف السيد.

وكانت مي عمر قد شاركت في موسم رمضان 2026 من خلال مسلسل "الست موناليزا"، بمشاركة عدد من الفنانين، منهم محمد محمود، هدير عبد الناصر، سلوى محمد علي، شيماء سيف، إنجي المقدم، سوسن بدر، أحمد مجدي، حازم إيهاب، جوري بكر، مصطفى عماد، محمود عزب، وحسن حفني، والعمل من تأليف محمد سيد بشير وإخراج محمد علي.