نشوى مصطفي: حاربت الدنيا عشان أمثل ومحققتش حلمي

كشفت الفنانة نشوى مصطفى،  تفاصيل عن حياتها الفنية وعدم رضاها عن مشوارها ومسيرتها الفنية.

وكان ذلك عبر حسابها الرسمي بموقع التواصل الاجتماعي "فيسبوك"، وكتبت : "حلمى أننى أكون ممثلة بدايته كانت وأنا عندي ١١ سنة، كانت أول مرة أشوف فيلم باب الحديد، الممثل اللي بيعمل دور قناوى سحرنى، مكنتش أعرف اسمه ولا أعرف أنه مخرج، ولا كنت أفهم يعنى أيه مخرج".

وتابعت نشوى مصطفى، حديثها عن يوسف شاهين: "اتوحدت مع ‘حساس عينيه واللي لحد دلوقتى مع احترامى لكل عباقرة وأساتذة التمثيل مشفتش مساحة الصدق القصوى غير فى عنين يوسف شاهين وهو قناوى".

وأوضحت: " طفلة عندها ١١ سنة أحلامها شبت خارج حدود أسوار طبقة اجتماعية متفهمش يعنى أيه لما يسألوها عايزة لما تكبرى تطلعى أيه تقول لهم عايزة أبقى ممثلة، وحاربت علشان أكون ممثلة، وقدرت وبشروطى، بس معرفتش أحارب علشان أكون ممثلة زي ماكنت أتمنى، استسلمت للتننميط ودى كانت شروطهم طالما أنا ليا شروط".

وأضافت: "أحياناً كنت باقدر أفلفص بس وأنا باقرب من النهاية، باعتذر لنفسى أننى بمساعدة آخرين استسلمت وحرمتنى من متعة أننى أكون زي ما اتمنيت، ضيعت وضيعوا عليا فرصة الحياة، الحمد لله فى كل الأحوال، الحمد لله دايماً، الحمد لله".

جدير بالذكر أن نشوى مصطفى لم تشارك في أي أعمال فنية منذ فترة، واتجهت لتقديم البرامج التليفزيونية بمختلف الفضائيات.