عمرو أديب: «لو بتفكر تخلف عيل أجله للسنة الجايه.. العالم كله هيعمل كده»

علق الإعلامي عمرو أديب على حالة التضخم التي شهدتها الأسواق العالمية خلال الفترة الماضية، نتيجة الأزمات المتلاحقة وتراجع الإنتاج في كافة القطاعات مع زيادة الطلب، مطالبًا المصريين  بتأجيل الإنجاب هذا العام بسبب الأزمة الاقتصادية الطاحنة التي يمر بها العالم.

وقال "عمرو": "أنا كنت عايز أقول لكم حاجة ولكن كنت متردد بقدم رجل وآخر رجل، بس هقولها بسبب الخلفة".

وتابع: "لو حضرتك بتفكر تخلف السنة دي طفل إضافي يعني لو عندك عيل وعايز تجيب الثاني، أو عندك اثنين وتجيب الثالث أجله للسنة اللي جاية".

واختتم أديب حديثه قائلا: "طبعا بعد تصريحاتي دي تطلع وهتبقى تريند، ويقال أن عمرو أديب بيطالب المصريين بمنع الخلفة، ولكن اللي بقوله ده لو عندك أطفال، والعالم كله بيعمل كده، ولو أنت معاك وبتقول العيل بيجي برزقه يبقى ربنا معاك بقى ولكن بالعقل"، وجاء ذلك خلال برنامجه "الحكاية" المذاع على قناة "ام بي سي مصر".