سالي عبد السلام بعد القبض على المتحرش بها: «مش هنسيب حقنا وهنمشى بأمان»
كتب: شروق خالد
ألقت الأجهزة الأمنية، الأربعاء، القبض على الشاب المتهم بالتحرش بالإعلامية سالى عبد السلام، بإحدى محطات الوقود بالتجمع الخامس.
وتبين من التحريات أن المتهم يعمل موظف بإحدى شركات المقاولات بالقاهرة، وتم اتخاذ الإجراءات القانونية ضده،
ونشرت الإعلامية سالي عبد السلام عبر حسابها الشخصى بـ"إنستجرام" صورة لها من أمام محكمة القاهرة الجديدة الابتدائية، وأرفقت منشورًا تكشف من خلاله تفاصيل واقعة التحرش التي تعرضت لها قبل يومين وقامت بتوثيقها بالفيديو: "هى دى بلدى هما دول ناسها اللى ساعدونى وبناتها اللى معرفهمش بعتولى قالولى هو مين!!!؟ أنتوا رزق ده رزقى يا ربى! اللهم بارك أنا بقالى يومين مش عارفة أنام".
وتابعت: "اقسم بالله وقتها كنت راجعة من عند الدكتور لـ ١١ بليل ما أكلت زعلانة الحمدلله رضا وتعبانة ولسه بتعالج الحمدلله ووقفت مع صاحبتى أجيب أكل ومستنية القهوة، النهاردة بعد يومين من الواقعة ونشر الفيديو أنا فى محكمة القاهرة الجديدة، ومن غير محامى ولا حد معايا".
واستطردت: "فى ساعات من المحضر فى قسم التجمع الخامس الشرطة المصرية الله يحميهم جابوه!! والصبح كنت فى النيابة وكلى ثقة فى قضائنا اللى فوق الكل، ربى يعلم والله اديته مهلة ٢٤ ساعة لما خلى صحابه يكلمونى عن طريق صحاب مشتركين للاسف عشان أشيل الفيديو ويحاولوا يساومونى وحاجة آخر قلة أدب وبعدها يهددونى ومتعرفيش ده مين وفلوس وعلاقات وأنا ربنا يعلم مسكت نفسى بالعافية وقتها ومطلبتش غير اعتذار ليا ولكل بنت أذاها من غير أساميهم وساعدتنى لوجه الله وهو رفض".
ووجهت رسالة مؤثرة للمتحرش بقولها: "وأنت يا متحرش ماذا بينك وبين الله عشان كل البنات دى تساعدنى أجيبك! أنتوا ساعدتونى الله يسعدكم..الله يعوضكم، وأساميكم مش هتطلع وده وعد بيننا ليوم الدين، أذيت كل البنات دى ليه؟؟! منهم اللى سابت شغلها فى الشركة اللى بتشتغل فيها معاك بسببك، ومنهم اللى صورتها وأذيتها وطلعت عليهم كلام، زى ما كنت ناوى تصورنى أنا وصورتك فى الفيديو من غير حتى ما أقل واجب أرد اعتبارى بعد ما شتمتنى بأمى بعد المعاكسة وقلة القيمة، ليه ؟! سمعتك المحلة الكبرى كلها عارفاها ووحشة، البنات بيترجونى أجيب حقهم!!".
واختتمت قائلة: "مش هنسيب حقنا! وهنمشى بأمان غصب عنك! حتى العربية مش عارفة اقعد فيها فى أمان فى مكان عام، حرام عليك هتترد".
View this post on Instagram
وكانت الإعلامية سالي عبد السلام قد كشفت منذ يومين عن تعرضها للتحرش من قبل أحد الأشخاص أثناء احتسائها القهوة مع صديقتها في إحدى محطات الوقود "البنزينات"، وقامت بتوثيق الواقعة بالفيديو.
